De[m] hochwirdigen fursten und herren, her[n] Iohansen, von Gots gnaden bischoffe zu Culmen administrator dess bistumbs Po[m]enszan etc. meinem gnedigen h[e]rren.

Hochwirdiger furst, gnediger her etc. /

Ewer Furstlichen Gnaden geliebt zu bezallen uff dissen brief / dem furnemen Jörg Hegle, der herren Fucker verwalter in Krackaw, fiertzechen ducaten in gold oder den werdt. Send fur ander xiiii ducaten / hob ich zu Valladolid fur Ewer Furstliche Gnaden aus geben, / wie ich Ewer Furstlichen Gnaden hie neben / in aim besondren brief nach der leng schreib. / Bitt Ewer Furstliche Gnaden underthenig, wölle verschaffen die von stond an zu bezallen, / dan ich gmelt xiiii ducaten hievon Caspar Weyler, / gemelter herren Fucker verwalter zu Danck, empfangen hab, / so er mir zu fraindtschafft bezalt hatt. / Ewer Furstlichen Gnaden underthenig zu dienen bin ich alzeit willig. /

Datum Madrid, den vi.ten tag Julio 1535.

Ewer Furstlichen Gnaden

undertheniger

Albrecht Cuon