AAWO, AB, D.97, f. 200r
Hochwÿrdigster in Gott Furst, gnedigster Herre.
Ewren F(urstlichen) G(naden) seÿn unsere underthenige, schulthpfflichtige und gethrewe dÿ(n)ste alletzeÿth tzuvoran boreith. /
Gnedigster Furst und Herr. /
Wÿr geben Ewer F(urstlichen) G(naden) in hoher demuth undertheniglich tzuerken(n)en, / das der wÿrdiger herr Martinus Sthubbe (fl. 1546)⌊Martinus SthubbeMartinus Sthubbe (fl. 1546)⌋, vicarius der pffark kÿrche(n) Sanct Catharinae der Braunsberg (Braniewo), town in Ermland (Warmia), 19 km NE of Elbing (Elbląg), port on the Vistula Lagoon, a member of the Hanseatic League⌊Alde(n)stadth BraunßbergkBraunsberg (Braniewo), town in Ermland (Warmia), 19 km NE of Elbing (Elbląg), port on the Vistula Lagoon, a member of the Hanseatic League⌋, der capellen flugge(n) und vicarie Mariae genanth, / kurtz beÿgewichener tzeÿth freÿwÿlliglich / in verhoffnu(n)gk seÿner verbesserungk / uns als patronen dieselbe vicarie durch seÿn wegktzÿhen, / resignirt, / uffgethragen und ledigk verlasse(n) hoth. / Deshalbe(n) gemelthe vicarie als ledigk facirend und uns zuverleÿhen tzustendigk isth, / haben wÿr als rechte lehnherrn und collatores dieselbe vicarie, Mariae genanth, mith allen ihren nutzen, / rechten und gerechtigkeit(en) / lautherlich durch Gott priesterliche ampt tzu pfflegen / dem ehrenthafften, Melchiar Gleser (fl. 1548)⌊Melchiar GleserMelchiar Gleser (fl. 1548)⌋, schulmeister beÿ uns / als geschicktem, thouglichen, / und als wÿr hören, / gelerthen gesellen / verlÿhenn(n). /
Hÿruff Ewer F(urstlichen) G(naden) undertheniglich und demutigesth bÿtte(n)de, / sie wolle(n) gemelthe(n) Melchiar Gleser (fl. 1548)⌊Melchiar GleserMelchiar Gleser (fl. 1548)⌋, / den wÿr hiemith presentirn, / uff itzth gemelth AAWO, AB, D.97, f. 200v vicarien mith allen czÿnse(n), / nutzungen und anhängen investirn und bestetige(n), wie sich geburth, und uns nicht tzweÿffelt, E(wer) F(urstlichen) G(naden) loblichs, fursthlichs gemuths thun werde(n). / Wollen wÿr um(m)b dieselbe E(wer) F(urstlichen) G(naden) undertheniglich und aller gebur, / wie schuldigk, / gerne vordienen. /
Thun uns hiemith E(wrer) F(urstlichen) G(naden) mit aller demuth und gehorßam bevehlenn(n). /