Dem Hochwirdigstern in Goth / Herrenn, herren Ioanni von Gotis genaden / des loblichen stichts Culmensehe bisschof / und zu Pomezan administrator / etc., unserm genedigen hern

Hochwirdigster in Goth, / genediger herre. /

Unser bereidtwillige [u]nd geflissene dinste seint Ewer Gnaden in allewege zcuvorn / entpholen.

Gene[dige]r herre. /

Als wir dise / hier eingeleibte brife / haben schreiben / und allenthalbe[n] ...rtigen lossen / szeint wÿr mit worheit / bericht, / das der hochwirdige in Goth / her[n] [h]erre Mau[r]itius ethwan bisschof zu Ermelant etc. den letczsten tagk seines [leben]s / beschlossen, [d]em Got / genedig sein / und die ewige ruhe / vorlegen welle / etc.

... wirt aber Ewer Gnade / noch vorleszunge derselbigen hiereingeschlossenen brifen [d]er gemeyne / und nicht vorechtlich anliggent / genediglich zcu vornehmen haben / ... wegen ist an Ewer Gnade / unser gancz dinstlich und fleiszig bitten / diselbige / wolle in nothwendiger betrachtunge / unsers obligens dys thunt / an Konigliche Maiestat mit dem besten vortzustellen / geruchen. /

Das seint wir ummb Ewer Gnade (die wir Gote dem almechtigen in langwerigen gesuntheit / gelugseligen wolfart / und allem gute / mit fleis entphelen) hogsten vormogens / zu ordinen / gewilliget. /

Geben Dantczigk, am VIII Iulii anno etc. XXXVII.

Ewer Gnaden dinstwillige / burgermeister und radtman der stadt Dantczigk