» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #174

Ioannes DANTISCUS to Piotr TOMICKI
Valladolid, 1523-02-08


Manuscript sources:
1fair copy in Latin, autograph, BNW, BOZ, 2053, TG 4, No. 400, f. 152
2copy in Latin, 16th-century, BJ, 6557, f. 75r
3copy in Latin, 18th-century, BCz, 35 (TN), No. 122, p. 461-462
4copy in Latin, 18th-century, BCz, 274, No. 78, p. 86-87

Auxiliary sources:
1register in Polish, 20th-century, B. PAU-PAN, 8245 (TK 7), f. 214

 

Text & apparatus & commentaryPlain textText & commentaryText & apparatus

 

BNW, BOZ, 2053, TG 4, No. 400, f. 152v

Reverendissimo in Christo Patri et Domino, domino Petro Dei gratia episcopo Posnaniensi Reg paper damaged⌈[Reg]Reg paper damaged⌉ni[1] Poloniae vicecancellario, domino meo gratiosissimo

BNW, BOZ, 2053, TG 4, No. 400, f. 152r

Reverendissime in Christo Pater et Domine, domine gratiosissime.

Humillimam servitiorum meorum commendationem.

Vix mihi dabitur tantum temporis, ut maiestati regiae, quae nunc hic aguntur, describerem. Non potui tamen mihi temperare, quin saltem his Dominationem Vestram Reverendissimam suppliciter salutarem, cum superinscribed⌈cumcum superinscribed⌉ quam iam mihi coram esse videor. Quod ut aliquando fiat, Deum Optimum Maximum non cesso fatigare precibus. Istae sunt quartae litterae superinscribed⌈litteraelitterae superinscribed⌉, quas et maiestati regiae et Dominationi Vestrae Reverendissimae scripsi. Multum metuo, ne Dominationem Vestram Reverendissimam tot mea in unum scripta redacta per lecturam offendant. Si alicubi fui vel ineptior vel longior, det, quaeso, ruditati meae veniam neque erit omnino mea, sed aliquantisper Dominationis Vestrae Reverendissimae culpa, quae talem aratorem(!) elegerit. Si facio, quantum rationis et quantum vanitatis in me est pro fide mea in primis apud Deum, qui cordium scrutator est, et deinde apud Dominationem Vestram Reverendissimam me excusatum putabo written over ...⌈...putaboputabo written over ...⌉. Ad impossibile nemo obligatur. Commendo me suppliciter gratiae Dominationis Vestrae Reverendissimae cupioque summopere eandem felicem videre et incolumem. Reverendo domino praeposito Cricio salutem atque omnia fausta precor.

Celerrime ex Valdolit, 8 Februarii, anno Domini 1523.

Reverendissimae Dominationis Vestrae humillimus servus I(oannes) Dant(iscus)

[1 ] Lost piece of paper through which the seal was impressed.