BCz, 1595, p. 1098

Reverendissimo in Christo Patri et Domino, domino Ioanni Dei gratia episcopo Varmiensi, domino et maiori meo plurimum observando

BCz, 1595, p. 1095

Reverendissime in Christo Pater et Domine, domine colendissime et plurimum observande.

Studiorum meorum sedulam commendationem et salutem.

Ego hinc hodie Mariebu paper damaged⌈[u]u paper damaged⌉rgum, utinam in Dei benedictione, discedo exspectaturus Marieburgi littera paper damaged⌈[a]a paper damaged⌉s Reverendissimae Dominationis Vestrae, quibus me de agendorum ratione et de consiliis sui paper damaged⌈[i]i paper damaged⌉s faciat certiorem. Sunt plurima, in quibus opus mihi est informatione et direct<i>one vestra. Dominus Deus, quem ducem mearum actionum omnium invoco, coeptis his aspiret. Nihil esset mihi gratius, quam ut Reverendissima Dominatione Vestra, quae e gravi aegritudine gratia Deo emersit, animo quoque esset tranquillo, nam ex domini cantoris negotio multum perturbatam video. Is ostendit numquam sibi in animo fuisse, ut quicquam designaret, quo posset Reverendissima Dominatio Vestra vel commoto animo esse seque non esse non ita pertinacem petitorem, quin amicorum monitis auscultet sit auscultaturus ac honestis rationibus locum daturus, videturque maxime cupere gratiam et favorem Reverendissimae Dominationis Vestrae ac de custodia a me admonitus, quid iam decreverit, referet venerabilis frater meus, dominus Felix, quem exultans accipio successorem.

Reliqua etiam, quae cum domino cantore restant, cura nobis fuit bono publico et citra offensam Reverendissimae Dominationis Vestrae transigere et puto repertam viam, quam Reverendissima Dominatio Vestra pro sua in omnes clementia facile admittet, praesertim nobis intercessoribus et quae nos linguas virulentas compesceret queat citra vociferationem. Referet omnia dominus Felix. Egoque fideliter consulo, ut Reverendissima Dominatio Vestra superinscribed⌈Dominatio VestraDominatio Vestra superinscribed⌉ suam voluntatem ad illorum rationem componat, ut semel omnia tollantur, quae in curam aliquam coniicere Reverendissimam Dominationem Vestram possent, et puto omnia posse bona conscientia et integro iudicio peragi ac, si confecta fuerint, ad res multas profutura esse.

De litteris nostris non intelligo, quid coniciendum sit. Cogitet Dominatio Vestra Reverendissima num res rei magnitudo postulet, ut Romam propterea nuntius vel pedes mittatur, quo tandem ex his ambiguitatibus et suspicionibus nobis liceat eluctari.

Commendo me favori Reverendissimae Dominationis Vestrae, quae vitia scribentis festinationi dare velit et optime valeat, cupio.

Apud Varmiam, die VII Maii 1538.

Eiusdem Reverendissimae Dominationis Vestrae deditissimus Tidemannus electus Culmensis