AAWO, AB, D.92, f. 8v

Dem Hochwirdigsten in Goth Hernn, hern Ioanni / von Gotes genad(en) / bisschof zcu Culmen / und der bisththumbs zcu Pomezan administrator etc., unserm genedig(en) hern

AAWO, AB, D.92, f. 8r

Hochwirdigster in Goth / Genediger Herre.

Unser boreitwillige unde unvordrossene dinste seint Ewer G(nade)n allewege zcuvorn entpholen.

Genediger Herre. /

Es ist aws schalbarm geruchte / genugsam am tage, / das ethwan der grosmechtige her Stenczel Kostzieletzky / auf Marienburg (dweil er im leben) hewptman, / den Goth selige / von diser welt gescheden / und desselbigen fals / die gedochte hewptmanschaft / erlediget / und also uns allen alhier im lande / gesessen / nicht eyn unnutcze ader schelechte bedenck(en). / Derweg(en) vorgefallen sey, / wie / und weme / sulch ampt vorlig(en) werden muchte, / domit zcwuschen demselben / und Ewer G(nade)n auch andern hern diser lande Prewsen rethen libe / fruntschaft / gutte furderunge / und nockberschaft uns allen / und dem gemeynen lande / zum best(en) / vorhalt(en) werd(en) muchte, / das wir vor unser person / zo vil deste mehr hoffen und zcu ergehende / uns vormutt(en) weld(en), / zo das gemelte ampth / auf eynen eyntzugeling / dises landes / gebrocht werd(en) kunde. / Welcher halben wir in sorgfeltiger betrachtunge stehen, / wie uns allen / und dem gemeynen lande hierinne gerathen und gedienet werden muchte. /

Nuh ist Ewer G(nade)n die geschicklickeit / des hern Dantzker castellans unvorborgen / der nicht alleine / zu sulchem ampte / unsers achtens, / tuchtig besund(e)r auch dem lande / und uns ... illegible⌈...... illegible⌉ allen in derselbig(en) stelle in vilen ding(en) / nutzlich und furderlich sein kunde. / Who nuh Ewer Gnade(n) stain⌈[nade(n)]nade(n) stain⌉ ire meÿnunge hiertzu wenden kunden / und ichts / in dem fall bey der Kon stain⌈[Kon]Kon stain⌉iglichen Ma(ieste)t / neben andern hern und frund(en) / der sachen zcum be paper damaged⌈[e]e paper damaged⌉sten / dor[...] stain⌈[...][...] stain⌉ das gedochte ampth / vor denselbig(en) gutt(en) hern obgemelt erbett(en) und erhalt(en) werd(en) muchte / zcu thunde / gesynnet were. / Wolt(en) wir / zo vil uns / disem thuent / gerne beyfellig und furderlich seyn / und wie wol das villeichte Ew(e)r G(nade)n / zo wol als uns / etzliche jegenfellige bedencken / die dieser unser gutten andacht / etzlicher maes / abtreglich / zcufallen mog(en), szo achten wir dennoch solch anreg(en) / nicht unnutcze und superinscribed⌈undund superinscribed⌉ yo zo gaer eiteler hoffenunge / nicht were / zcu mole, / zo es durch mehr dieser lande stender / und eintrechtiger furderun(n)gen (die dan frucht breng(en) kan) vortgestalt wurde. /

Welche unser gutte andacht / uns dohin bewogen, / das wir uns / dises unsers an Ewer G(nade)n schreibens / nicht haben meszigen konnen / in gantzer und trostlicher hoffenunge / wir werd(en). Derwegen bey Ewer G(nade)n nicht anders / dan im best(en) / vormerckt werden / unde waszer meynunge Ewer G(nad)e hierinne sein moge. / Bitt(en) wir des hirauff ein genedig vorhoft andtwortt / und thun hiermit dieselbige Ewer G(nad)e Gothe dem almechtig(en) lange(n) gesunt / mit fleis bevehlen. /

Gege(be)n Dantczigk, am VIII-t(en) Ianuarii anno etc. XXXV-t(en).

Ewer U(nser)n Genad(en) dinstwillige burgermeister und radthman der stadt Dantczigk