APG 300, 53, 268, p. 108

Den ersamen und namhafftigen herren burgermeistern und rathmannen der ko(nigliche)n stad Dantzigk, / unsern besondern, guten freunden.

APG 300, 53, 268, p. 105

Unsern freuntlichen grus und alles guts zuvoran. / Ersame, namhaftige herren, besondere, guthe freunde. /

Es hat uns kegenwertiger zeiger dits, / der bescheidne Caspar Munckenpeck, / E(wer) E(rbarkei)t stad mitburger, / zuvorstehen geben, / wie das er bei E(wer) E(rbarkei)t etliche sachen hangend habe, / dorzu er fug und recht zuhaben vormeinte / etc. uns derwegen mit gantzem vleis angelangt, / in gegen E(wer) E(rbarkei)t in dem / mit unser vorschrift forderlich zusein, / das wir im uff sein demutigs anhalten / nicht haben wollen vorsagen, / freuntlich bittende, / E(wer) E(rbarkei)t wolten im / uff diese unsere vorbit / gunstige vorhoer gestatten / und in solcher seiner sach, / so viel die billigkeit mitbringt, / behulflich und gut willig erscheinen, / wie wir nit zweiffeln, E(wer) E(rbarkei)t / ane das sonst / zuthun alwege gevlissen. / Das sein wir / neben der gerechtigkeit / umb E(wer) E(rbarkei)t in gleichem und allem guten zubeschulden gewilligt und gneigt. /

Dat(um) aus unserm schlos Heilsberg, den XVII tag Ianuarii M D XLIII. /

Joannes, von Gottes gnaden bischoff zu Ermlandt /