AAWO, AB, D.97, f. [1] missed in numbering after f. 197

Dem Erwirdigenn inn Gott, unnserm besondern liebenn freundt unnd nachbarnn, herrn Johansenn bischovenn zw Ermelanndt

AAWO, AB, D.97, f. 197r

Unnser freuntlich diennst zuvorn.

Erwirdiger inn Gott, besonnder lieber freundt unnd nachbar. /

Wir habenn E(uer) L(ieb) schreybenn datirt Heilspergk, denn XXVII Ianuarii, bey junger konig(liche)r m(aieste)t, unnsers gnedig(en) herrn unnd freuntlichenn liebenn oheims, cammerdiener empfanngenn / unnd desselbenn innhalt lesenndte eingenomenn. / Nun thun wir unns erstlichenn gegenn E(uer) L(ieb) solcher wolmeynenden schriefftlichenn ersuchung, nichtsweniger uberschickten brieffs ann unnsern freuntlichenn liebenn brudern, / erczbischovenn zw Riga lauttennde, / auch der mitgeteiltenn zeittung ganntz freuntlichenn bedannckenn, / unnd wollenn solch brieflein unnserm freuntlichen liebenn brudern / mit denn erstenn zufertigenn. /

Als aber E(uer) L(ieb) ferner meldenn, / wess des herrren Lasski halbenn / ann dieselbe gelanngt / unnd nemblich das seine grosmechtigkeit denn herrn Marienburgkisch(en) woywodenn icziger zeit woll nebenn sich leydenn mochte / dasselbe konnenn wir woll glauben, / dann wie gern wir sein personn zw dieser legation / neben gedachtem herrn Lasskÿ zugebrauchenn gesehenn hettenn, / ist E(uer) L(ieb) als die nichts weniger ann irer disfals forderung / keynenn manngel scheynenn lassenn, / unngeborgenn / dess vorsehenns. / Es wurde nechst gotlicher verleyhung der sachenn nicht unngedienet sein werdenn. / Unnd wiewoll wir E(uer) L(ieb) hinwider gern etwas neues mitteylen wolthenn, / so ist doch iro(?) sonnders bey unns nicht verhannden. Auserhalb des so unns vonn E(uer) L(ieb) als das d(er) Peterkauische reichstag, seinennd genomen / unnd obengedachter AAWO, AB, D.97, f. 197v herr Lasski inn grossem annsehen sein solle zugeschrieben / der liebe Got wende alles zu seynen ehrenn unnd gebe, / das solche dess herrn Lassky auctoritet uns allerseits zum bestenn mit gedeyenn moge / unnd das durch inenn gesucht unnd erhaltenn werde das zw friede, / ruhe unnd wolfart dieser armen lande diennstlich. /

Nachdem unns auch hochgeruerte junge kon(iglich)e m(aies)t(e)t geschriebenn unnd begeret, das wir die anntwort dermassenn, / damit der junge als morgenn widerumb zurstellenn sey thun solten, / wiewoll unns nun ein solchs, / wie E(uer) L(ieb) abzunemenn / wegenn kurze der zeit unmuglich, / so ist dannocht unnsere freuntliche bieth, / E(uer) L(ieb) wolle konig(lich)e m(aies)t(e)t dessgleichenn unns zugefallenn / diesenn zeygern, / durch derselbenn stiefft unnd die irigenn / furderlich erscheynenn, / damit er soviel eher / bey tag und nacht vortkommenn moge. /

Das seint wir umb E(uer) L(ieb) hinwiderumb zuvordienenn urbuttigk, / unnd haben solchs E(uer) L(ieb), / (die wir Got dem Almechtigen bevelhen thun) auff ir schreyben zur anntwort nicht verhaltenn wollenn. /

Dat(um) Konigspergk, denn XXX Ianuarii anno etc. im XLVIII-st(en).

Vonn Gots gnadenn Albrecht marggraf zu Brandenburg, inn Preussen, / zu Stetin, / Pommern, / der Cassuben und Wenden hertzog, / burggraf zw Nurmberg unnd furst zw Rugen manu propria subscripsit adscribed, in the hand of sender⌈manu propria subscripsitmanu propria subscripsit adscribed, in the hand of sender⌉