» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #847

Mauritius FERBER to Ioannes DANTISCUS
Heilsberg (Lidzbark Warmiński), 1532-10-25


Manuscript sources:
1fair copy in Latin, in secretary's hand, author's signature, AAWO, AB, D. 8, f. 2
2office copy in Latin, AAWO, AB, A 1, No. 781, f. 345r-v

Auxiliary sources:
1register in Polish, 20th-century, B. PAU-PAN, 8247 (TK 9), f. 157

Prints:
1UBC No. 876, p. 735 (in extenso; German register)
2AT 14 No. 486, p. 745-746 (in extenso; Polish register)

 

Text & apparatus & commentaryPlain textText & commentaryText & apparatus

 

AAWO, AB, D. 8, f. 2v

Reverendissimo in Christo Patri et Domino, domino Ioanni Dei gratia episcopo Culmensi, fratri et amico carissimo ac honoran(do)

AAWO, AB, D. 8, f. 2r

Reverendissime in Christo Pater et Domine, domine frater et amice carissime ac honorande.

Per magnificum dominum Ioannem a Lusianis palatinum Culmensem Reverendissimae Dominationis Vestrae cum litteras, tum munera (nempe caesaream celsitudinem atque Reverendissimam Dominationem Vestram effigiatas reliquaque lintea Paraphrasesque) recepi. Quae ut mihi sunt admodum grata, ita magnas gratias ago habiturus ea magno in pretio et mutuae amicitiae fraternique amoris testes. Id vicissim sibi de me, quod de candido amico et fratre exspectandum est, persuadeat velim Reverendissima Dominatio Vestra, cui omnium fortunarum successuum cum status dignitatis et honoris incremento ex animo cupio et opto.

Ceterum novitates impartitae fuerunt mihi admodum iucundae auditu, quas et veras esse omnibus votis optandum est. Et si quas posthac Christianis populis et utiles, et laetas habitura est Reverendissima Dominatio Vestra, eas, ut coepit, mecum communicare pergat meque sibi commendet, rogo ac tandem felix ac sospes per Christum valeat.

Ex Heilsberg, XXV Octobris anno MDXXXII.

Vestrae Reverendissimae Dominationis bonus frater Mauritius episcopus Warmiensis subscripsit