BCz, 1596, p. 357

Reverendissimo in Christo Patri et Domino, domino Ioanni electo Culmensi, domino et fautori suo plurimum observando

BCz, 1596, p. 358

Reverendissime in Christo Pater et Domine.

Percepi litteras Reverendissimae Dominationis Vestrae, e quibus humanitatem, gratiam et favorem erga me Reverendissimae Dominationis Vestrae satis intelligo, quae, cum apud ipsam obtinui, etiam apud alios quoscumque bonos viros eadem mihi propagare non ms 1 dedignatus,
ms 2 dedignetur⌈dedignatusms 1 dedignatus,
ms 2 dedignetur⌉. Quod certe non meis meritis, sed cognitae Reverendissimae Dominationis Vestrae bonitati puto tribuendum. Utinam mihi possit aliquando contingere, quibus haec possem promereri. Gaudeo certe plus quam dici potest me talem dominum et fautorem invenisse. Quod autem petit Reverendissima Dominatio Vestra, ut ad se 20 huius mensis me conferrem (quod etsi libentissime facerem non levem causam habens tantum amicum et patronum visitandi), id tamen mihi incidit infortunium, ut eo tempore dominum Felicem et me negotia quaedem et causae necessariae nos cogant in loco manere. Itaque uti Reverendissima Dominatio Vestra boni consulat absentiam tunc meam, rogo. Sum alioqui accedere Reverendissimam Dominationem Vestram, ut par est, paratissimus et, cui plurima alia debeo, facere, quod placuerit, modo id Reverendissima Dominatio Vestra alio tempore mihi insinuaverit. Cui iam non in petitis gratificari, sed magis iussa capessere me debere fateor.

Ex Frauemburg, Parasceve Pascae anno 1533.

E(idem) or E(iusdem)⌈E(idem)E(idem) or E(iusdem)⌉ Reverendissimae D(ominationis) or D(ominationi)⌈D(ominationis)D(ominationis) or D(ominationi)⌉ Vestrae devotissimus Nicolaus Copernicus

BCz,244,p. 111

Reverendissime et Venerabilis Domine, amice et frater carissime. Salutem omnisque felicitatis accessum.

Cum a multis annis Dominationem Vestram non viderim et pro illa quondam inter nos familiaritate et consuetudine eandem Dominationem Vestram videndi non parvo tenear desiderio, rogo plurimum, ut cum aliis nostris confratribus, quos unacum Dominatione Vestra huc ad nuptias cuiusdam pauperis meae consanguineae invitavi, non gravate pro Dominica Sanctae Trinitatis futura ad me concedere velit, boni consultura, ut ex more dicere solemus, ea, quae exiguitas domus meae gratissimo hospiti offeret. Quod vicissim omni fraterno studio et amore Dominationi Vestrae rependere curabo sedulo eamque prosperrime et quam diutissime valere cupio.

Ex castro Lubavien(si).

BCz, 2713, p. 1

Reverendissimo in Christo Patri et Domino, domino Ioanni episcopo Culmensi, domino suo clementissimo

BCz, 2713, p. 2

Reverendissime in Christo Pater et Domine, domine clementissime.

Accepi litteras Reverendissimae Dominationis Vestrae humanitatis plenas et gratiae. Quibus me admonet illius familiaritatis et gratiae, quam adhuc in iuventute cum Reverendissima Dominatione Vestra contraxi, quam adhuc tamquam florentem apud se durare intelligo. Sicque me inter suos familiares connumerando invitare dignata est ad nuptias cognatae suae. Equidem, reverendissime domine, obtemperare debebam Reverendissimae Dominationi Vestrae et aliquando me praesentare tanto meo domino et patrono. Nunc vero in negotio occupatus, quod mihi reverendissimus dominus Varmiensis iniunxit, abesse nequeo. Quapropter boni consulere dignetur ipsam absentiam meam et servare antiquam illam de me opinionem quamvis absentis, cum plus esse consuevit animorum coniunctio, quam etiam corporum. Reverendissimam Dominationem Vestram in omni felicitate, cui servitia mea commendo, perpetuo valero cupio.

Ex Frauemburg, VIII Iunii MDXXXVI.

Nicolaus Copernicus

BCz, 2713, p. 7

Reverendissimo in Christo Patri et Domino, domino Ioanni Dei gratia Episcopo Culmensi ac Pomesaniensis ecclesiae administratori, domino suo clementissimo

BCz, 2713, p. 8

Reverendissime in Christo Pater et Domine, domine clementissime.

Opportunitas nuntii Reverendissimae Dominationis Vestrae mihi oblata admonuit me, ut etiam mearum aliquid litterarum ad Reverendissimam Dominationem Vestram darem. Accepi his diebus ex Vratislavia novitates, quas mitto Reverendissimae Dominationi Vestrae, etsi verear iam antiquas esse apud eandem Dominationem Vestram, eo quod litterae datae fuerint XXVII Iunii. Privatim vero scribitur mihi litteras venisse ex curia regiae maiestatis Ferdinandi haec superinscribed⌈haechaec superinscribed⌉ continentes, „quod rex Persarum instinctu caesaris, papae et regis Lusitaniae magnis auxiliis Turkam infestat, ut relicta Italia cum expeditione retrocedere cogatur. Iter Inter regem Galliae et caesarem pacem firmatam aiunt data relicta ducis Mediolani cum ipso ducatu filio regis Gallorum. Nostri, id est regis Ferdinandi, apud Cassoviam rem bene gerunt eo capto, qui per proditionem Cassoviam ceperat, multis ex hostibus trucidatis capta etiam arce munitissima, unde omnis Cassoviae calamitas orta est. Boemi et Moravi iam sunt in itinere, similiter Slesitae passim vadunt in Ungariam, qui forsan dante Deo Cassoviam et alia recuperabunt. Dicunt etiam apud nos, quod W Weyda petit concordiam certis condicionibus propositis, quae an acceptabuntur, ignoramus adhuc”. Et haec in litteris, quae, sicut accepi, trado Reverendissimae Dominationi Vestrae, cui servitia mea ac me ipsum devoveo.

Ex Frauemburg, IX Augusti 1537.

E(idem) or E(iusdem)⌈E(idem)E(idem) or E(iusdem)⌉ Reverendissimae D(ominationi) or D(ominationis)⌈D(ominationi)D(ominationi) or D(ominationis)⌉ Vestrae devotissimus Nicolaus Copernicus

BCz, 1619, p. 100

Reverendissimo in Christo patri et domino, domino Ioanni Dei gratia episcopo Varmiensi, domino suo clementissimo

BCz, 1619, p. 99

Reverendissime in Christo pater et domine, domine clementissime.

Petiit nuper ex me Reverendissima Dominatio Vestra, ut epitaphium quondam Lucae episcopi, antecessoris Reverendissimae Dominationis Vestrae avunculi mei, quod olim a se factum mihi miserat, remitterem Reverendissimae Dominationi Vestrae. Mitto igitur eius exemplum, quoniam de manu propria Reverendissimae Dominationis Vestrae apud me non exstat. Doleo equidem, quod ad usum destinatum non pervenerit, cum iam antea aliud quoddam sepulcro fuisset insculptum parum habens odoris saporisque minus, sed quod procuratum sic erat et paratum illi adhuc in humanis volenti. Cupio et precor Reverendissimae Dominationi Vestrae longaevam valetudinem ad incrementum ecclesiae suae et suorum consolationem, cui servitia mea devoveo.

Ex Gynopoli, XXVIII Septembris Olimpiadis DLXXIX anno primo.

E(idem) or E(iusdem)⌈E(idem)E(idem) or E(iusdem)⌉ Reverendissimae D(ominationi) or D(ominationis)⌈D(ominationi)D(ominationi) or D(ominationis)⌉ Vestrae devotissimus Nicolaus Copernicus

UUB, H. 154, f. 163v

Reverendissimo in Christo Patri et Domino, domino Ioanni Dei gratia episcopo Varmiensi, domino meo clementissimo ac plurimum observando.

UUB, H. 154, f. 163r

Reverendissime in Christo Pater et Domine, domine clementissime.

In negotio illo canonicatuum, quod mihi commisit Reverendissima Dominatio Vestra, accepto et communicato consilio cum reverendissimo domino Culmensi visum est non satis maturum esse, ut ad capitulum referatur, nisi prius causa cantoris, quae supervenit, decidatur. Quo facto ad illam proponendam dabitur melior occasio, nisi interim aliud deliberaverit Reverendissima Dominatio Vestra, cui servitia mea cupio esse commendata.

Ex Frueburgo, quinta Paschae 1538.

E(idem) Reverendissimae D(ominationi) Vestrae devotissimus Nicolaus Copernicus

BCz, 1596, p. 520

Reverendissimo in Christo Patri et Domino, domino Ioanni Dei gratia episcopo Varmiensi, domino suo clementissimo

BCz, 1596, p. 519

Reverendissime in Christo Pater et Domine, domine clementissime mihique in omnibus observande.

Adhortationem Reverendissimae Dominationis Vestrae paternam satis et plus quam paternam agnosco, quam etiam intimo corde suscepi. Et quamvis prioris illius, quam Reverendissima Dominatio Vestra praesens et in genere habuit, minime oblitus facere volebam, quod monebat, quia tamen non erat facile familiam necessariam ac probam protinus invenire, propositum erat nihilominus citra superinscribed in place of crossed-out ultra⌈ultra citra citra superinscribed in place of crossed-out ultra⌉ festa Pascae illi rei finem dare. Iam vero, ne Reverendissima Dominatio Vestra opinetur me perendinationis affectare praetextus, restrinxi terminum ad unum mensem, hoc est usque ad Festa Natalia, neque enim brevior esse potuit, ut Reverendissima Dominatio Vestra perpendere potest. Cupio enim pro posse cavere, ne sim offendiculo bonis omnibus, quanto minus Reverendissimae Dominationi Vestrae, quae meruit, ut a me revere<a>tur, honoretur et plurimum ametur.

Cui me cum omnibus facultatibus meis devoveo.

Ex Gynopoli, secunda Decembris MDXXXVIII.

E(idem) or E(iusdem)⌈E(idem)E(idem) or E(iusdem)⌉ Reverendissimae D(ominationi) or D(ominationis)⌈D(ominationi)D(ominationi) or D(ominationis)⌉ Vestrae oboedientissimus Nicolaus Copernicus

Reverendissimo in Christo patri et domino, domino Ioanni Dei gratia episcopo Varmiensi, domino suo clementissimo

Reverendissime in Christo pater et domine, domine clementissime.

Feci iam, quod nullo iure(?) obmittere debui vel potui, in quo spero monitis Reverendissimae Dominationis Vestrae a me satis esse factum. Ceterum, quod scire ex me petit, quanto tempore vixerit felicis recordationis quondam Lucas a Waczelrodt, Reverendissimae Dominationis Vestrae praedecessor, avunculus meus: vixit annos LXIIII, menses V, in episcopatu annos XXIII, obiit paenultima Martii anno Christi MDXII. In quo illa generatio finem accepit, cuius insignia in antiquis monumentis et multis operibus exstant Torunii. Commendo iam oboedientiam meam Reverendissimae Dominationi Vestrae.

Ex Frauemburg, XI Ianuarii anno MDXXXIX.

E(idem) or E(iusdem)⌈E(idem)E(idem) or E(iusdem)⌉ Reverendissimae D(ominationi) or D(ominationis)⌈D(ominationi)D(ominationi) or D(ominationis)⌉ Vestrae obsequentissimus Nicolaus Copernicus

BCz, 307, f. 123v

Reverendissimo in Christo patri et domino, domino Ioanni Dei gratia episcopo Varmiensi, domino meo clementissimo

BCz, 307, f. 123r

Reverendissime in Christo pater et domine, domine clementissime.

Heri bonae memoriae Felix custos et canonicus ex humanis factus traditus est sepulturae. Canonicatum et praebendam vacantem pro domino Raphaele Canopatzky procuratorio nomine acceptavi et de ea provideri ipsamque illi conferri feci secundum formam litterarum apostolicarum vigore nominationis serenissimae reginae Poloniae etc. Quod superest, Reverendissima Dominatio Vestra dignetur consensum suum praebere eumque capitulo suo significare, ut detur illi pr vel mihi procuratori possessio vacantis praebendae. In quo Reverendissima Dominatio Vestra ad rem litterarum apostolicarum faciet, domino vero palatino Pomeraniae eiusque filio et mihi gratiam singularem, quam erga Reverendissimam Dominationem Vestram studebimus promereri.

Ex Frauemburg, III Martii anno MDXXXIX.

Eiusdem Reverendissimae Dominationis Vestrae servitor Nicolaus Copernicus

BCz, 1596, p. 558

Reverendissimo in Christo patri et domino, domino Ioanni Dei gratia episcopo Varmiensi, domino suo clementissimo

BCz, 1596, p. 557

Reverendissime in Christo pater et domine, domine clementissime.

Hodie annuente et consentiente Reverendissima Dominatione Vestra obtinui a capitulo possessionem canonicatus et praebendae vacantium per obitum bonae memoriae Felicis pro domino Raphaele a Canopat, pro quo ago gratias Reverendissimae Dominationi Vestrae. Neque dubito, quin ipse Raphael recognoscet hanc trans(?) benevolentiam Reverendissimae Dominationis Vestrae una cum domino palatino Pomeraniae, patre suo, uti par est. Cupio et ego me commendatum esse eidem Reverendissimae Dominationi Vestrae, cui servitia mea devoveo.

Ex Frauemburg, XI Martii 1539.

E(idem) or E(iusdem)⌈E(idem)E(idem) or E(iusdem)⌉ Reverendissimae D(ominationi) or D(ominationis)⌈D(ominationi)D(ominationi) or D(ominationis)⌉ Vestrae obsequentissimus Nicolaus Copernicus

Reverendissimo in Christo Patri et Domino, domino Ioanni Dei gratia episcopo Varmiensi, domino meo clementissimo

Reverendissime in Christo Pater et Domine, domine clementissime.

Accepi litteras Reverendissimae Dominationis Vestrae humanissimas et admodum familiares, quibuscum etiam non dedignata est mittere ad lectorem librorum meorum epigramma elegans sane et ad rem, non meis meritis, sed Reverendissimae Dominationis Vestrae benevolentia singulari, qua studiosos prosequi solet. Ipsum igitur Reverendissimae Dominationis Vestrae titulum operi meo in fastigio praeponam, si modo dignum sit opus, quod a Reverendissima Dominatione Vestra exornari tantopere mereatur. Quod tamen dictitant me doctiores esse aliquid, quibus obsequi decet. Ego vero singularem benevolentiam et affectum erga me paternum, quo me prosequi non cessat Reverendissima Dominatio Vestra, quantum in me est, promereri eique in omnibus, quibus possum, uti debeo, servire et obsequi cupio.

Ex Frauemburg, XXVII Iunii 1541.

E(idem) or E(iusdem)⌈E(idem)E(idem) or E(iusdem)⌉ Reverendissimae D(ominationi) or D(ominationis)⌈D(ominationi)D(ominationi) or D(ominationis)⌉ Vestrae obsequentissimus Nicolaus Copernicus