Juncker Georgenn

Unsernn etc.

Wie wir dir am neherenn mal geschribenn, / so etwas von wilpreth von unsernn jegern geschlagenn wurde, / das wir dich auch alsdan damit bodenckenn wollen, schickenn wir dir derwegenn ein vorvierteil vom elend und wilde schweineferkel, / welche du mit unser medder Vrsulenn, Sacharis Lehemans hausfrawenn, teilenn wirst, / und den hern doctorem Tresler etzwas davon zu schickenn auch nicht vorgessenn. / Wo Ludouicus Wersfelt, des wir teglich wartenn, / zu uns komen wirdt, / wollen wir deiner und deiner sachen zugedencken nicht nachlassen. Gotlichenn genaden bovelen.

Datum 12 Februarii XLVII.

Juncker Georgenn.

Unsernn etc.

Dein negstes schreibenn haben wir erhaltenn / und die zugeschicktenn birnenn mit dancke angenommenn. / Dieweil du auch darin anzeigest, / das du neben deiner hausfrawen und der fraw Schefeschenn unsernn lieben swegerin bedocht seist, / kurtzlich zu uns herruber zu komenn, / wollest solchs aufs erste vorstellenn. Werdet uns allesemptlich idere zeit liebe und wilkomne geste sein, dennen wir auch alle freuntlicheit / und angenemen willen erzeigenn wollenn, gotlichenn genaden bovelen.

Datum aus unserem schloss Heilsberg den 14 Juni 1547 .