AAWO, AB, D.68, f. 290r

Reverendissimo in Christo Patri ac Domino, domino Ioanni Divina providentia Warmiensis ecclesiae praesuli meritissimo, frater Caspar Agniculus, fratrum minorum in Brawnßberg guardianus immeritus, observantiam debitam cum suffragio orationum.

Cum apostolicarum sanctionum instituto ordinis nostri fratres ad sacros ordines idoneos ad capess ms. c(!) ⌈ss ms. c(!) ⌉endum eos, quibusvis reverendissimis ordinariis commendare concessum sit, et quia iampridem Vestrae Gratiosae Paternitati<s> humanit<at>em atque benevolentiam patronam(!) instead of paternam⌈patronam(!)patronam(!) instead of paternam⌉ religio nostra experta sit, ea ex re sumpta fiducia per patres conventus mihi concrediti, tamquam idoneum promotum praesentium exhibitorem sacris ordinibus insigniendum, Reverendissimae Paternitati Vestrae offero humiliter commendatumque facio efflagitans obnixeque orans, dicto fratri, videlicet fratri Alberto, sacerdotii ordinem paterne ac gratiose conferre dignetur.

In cuius erga nos beneficiis ac humanitatis recognitionem et gratitudinem me totum omnesque fratres mihi concreditos reddo obnoxios, pro Vestrae Reverendissimae Paternitatis ecclesiaeque commissae felici statu atque in longum proroganda vita apud Altissimum sedule exoraturos.

Cuius pietati et clementiae Vestram Reverendissimam Paternitatem et iam iam commendatam facio.

Datum ubi supra, anno Natalicii Servatoris nostri 1539, quinto decimo Kalendas Octobris.

Officii mei sub sigillo inferius subimpresso