Unsern fruntlichn grues mit eins seligen new jars wunschung zuvorann. / Edler, ernfesterr herr, gunstigerr, lieber freundt. /

Vor die morenen, die uns fast angenemm gewest, / thu wir uns gen euch uff das fruntlichste bedancken, / mit erbittung inen eymm hochern solchs umb euch zu beschulden. / Und so wir ewer freuntliche gestalt und ewere togentszamenn hausfrawenn lange zceit nich[t] gesehen, / wan die ban etwas besser wurd / w... wir uns gernn darzu habenn, das wir in gesu[nt]heit einandren sehen mochtnn. / Gote hiemit de[m] almechtigen in sein gnad befholen.

Datum uff unsermm slosse Lobau, XXIX Decembris MD XXXVI.