APG 300, 53, 268, p. 162

Denn ersamenn unnd namhafftigenn herrn burgermeister unnd rathmann der illegible⌈[der]der illegible⌉ koniglichenn stadt Danntzig, / unsernn besonndern, gutten frund(en).

APG 300, 53, 268, p. 159

Unnsernn freuntlichenn grues unnd alles guts zuvoran. Ersame, namhaftige herrn, besonndere, gutte freunde. /

Der herrnn rethe brief, unnderschriebenn unnd besiegelt, / wiewol inn dem der ordenntliche gbrauch nicht gehaldenn, / auch die thag zeitt / und stelle, do er gegebenn, / nach ist bliebenn, / hab wir dennoch uf E(wer) E(rbarkei)t bitt, / damit auch in dem unnsere wilferigheit erkennt werde, / mit unnserm hantzeichenn bestetiget / unnd hiebey E(wer) E(rbarkei)t widder lassen zukomenn. / Dieweil aber unnser sonnderlich schreiben / ann ko(niglich)e m(aieste)t inn dem falh unnötig, / nemlich, so der h(er) schatzmeister uf Mariennburg / sich kurtzlich, / wie wir bericht, / an ko(nigliche)r m(aieste)t hoff nicht wirt begebenn, / wollet unns solchenn unnsernn brief / mit dem antwurt / uf unnsere gewerbe, / ann E(wer) E(rbarkei)t negst getragenn, / widerumb zustellenn, / unns auch davor haltenn. / So wir wustenn, (: das Gott vorbitt :) solche drey personen, / wie vonn unns gehoret, solde seinn / inn E(wer) E(rbarkei)t mittel sigenn, / woltenn wir dis, / sich vor sie zuhuttenn / unnd do es sonnst unnser pflicht unnd die noch wurd furdernn, / nicht hie vor unnsern unnderthanenn, / wie unns mit ungrund wirt zugelegt, / mit den wir nicht uber geburliche weise / gemeinschaft habenn, ane alle schew / bey kenntlichenn nhamen ei[...] stain⌈[...][...] stain⌉ nicht unanngezeigt lassenn, / dann dieselbtigenn E(wer) E(rbarkei)t vor schadenn zw warnenn, / auch ihn vil ehre unnd guts, / sovil ummer muglich, / zu zufuegenn, / seinn wir willig unnd begirig. / Gottlichenn gnadenn befolhenn.

Dat(um) aus unnserm schlos Heilsberg, denn X Septembris M D XLIII.

Joannes, vonn Gotts gnadenn bischoff zcw Ermelanndt