Unsernn fruntlichnn grues und vil liebs unnd guts zuvorann. / Edler, ehrnfesterr her, gunstiger freundt. /

Wir sein bericht, das unser wein aus Hispanienn bey Hans Breden sey. / Wir haltens aber do vor, das der beste zu Antorff ausgetrunken / und ein ander her geschickt worden sey. / Wolt in vorsuchen / und so der smak gefelt, / so vil euch lieb ist do von nemenn. / Sunst wisse... wir nicht sunders oder newes dis mol zu schreibnn. / In acht oder X tagen werd wir ein reitenden boten an den hern bischoff von Krakou schickenn. / Wolt ir was do ausgericht haben, / sey wir willig. / Hiemit Gote dem almechtigen befholen.

Datum aus unsermm slosse Lobau, den X... Iulii anno Domini 1534.