GStA PK, HBA, C1 No 642, 4 unnumbered

Dem durchlauchsten, hochgebornen fursten und text damaged⌈[und]und text damaged⌉ herren, herren Albrechten, von Gots gnaden marg text damaged⌈[naden marg]naden marg text damaged⌉graff zu Brandenburg, in Preussen, zu Stettin text damaged⌈[zu Stettin]zu Stettin text damaged⌉, Pommern, der Cassuben und Wenden hertzog text damaged⌈[hertzog]hertzog text damaged⌉, burggraff zu Normberg und furst zu Rugen text damaged⌈[zu Rugen]zu Rugen text damaged⌉

Unserm vilgunstigen hern und freund text damaged⌈[hern und freund]hern und freund text damaged⌉

GStA PK, HBA, C1 No 642 1 unnumbered

Durchlauchster, hochgeborner furst, / vilgunstiger herr unnd freundt. / Unser gutwillige dinste zuvor. /

Wir haben beide alhie zum Elbinge Euer F(urstlichen) D(urchlauch)t schreiben, an yedern sonderlich gethan, / entpfangen / und derselben E(wer) F(urstlichen) D(urchlauch)t ermanen und ersuchen, die gemeine dieser landt gebrechen und obliegen betreffennd, mit notturfftiger aller gelegenheit erinnerung wol eingenommen, / dorauf wir E(wer) F(urstlichen) D(urchlauch)t zur antwort fuegen zuwissen, / das aus ehehaffter not und behinderung der trefflichen ergissung der wasser, / auch etlicher herren schwacheit und annderer ungelegenheit, der meiste theil koniglicher rethe zu diesem angesetzten landtage nicht kommen seint, / sonder wir beide mit sampt dem edeln und gestrengen herren dantzker castellan / allein dieses tages alhie haben gewartet. / Nachdem wir aber besonnen, das uns in so weniger zall mit den ersamen von Elbing nicht gezimen wolte der auctoritet einer gantzen landesvorsamlung uns anzumassen / oder etwas zu gemeiner ordenung vorzunehmen, / haben wir koniglichen botten unvorhort abgefertigt, / auch sonst keiner gescheft im nahmen eines gemeinen radts / uns wollen underfangen, / doraus sich volgents auch begeben, / das E(wer) F(urstliche) D(urchlauch)t brieff, so an die stende dis rats samptlich geschrieben, unvorbrochen ist blieben / und bei uns, wie er an uns kommen, nach vorhalten wirt / bis wir von E(wer) F(urstlichen) D(urchlauch)t irer meinung, wes dormit zuthun, vorstendiget werdenn, / dan wir vorsehen uns gentzlich, das koniglicher wille und bevelh sein werde, dieweil dieser tag zergangen, / das der ordentliche landtstag auf Stanislai[1] gehaltenn werde. / Wo aber itzige tagsatzung ( welchs wir gern hett illegible⌈[t]t illegible⌉en gesehen ) were vor sich gangen, / wolten wir allenthalben Euer F(urstlichen) D(urchlauch)t beger nachzutrachten, auch yrem raet und wolmeinung zu nutz, und forderung gemeÿGStA PK, HBA, C1 No 642, 2 unnumberedner landts notturfft mit allem vleis nachzustellen / an uns nicht haben mangeln lassen, / welchs wir auch auf konfftigem negsten tage zuthun uns erbiethen. / Und ist unser freuntdinstlich bitt, / Ewer F(urstliche) D(urchlauch)t wolte diesen vorzung solcher geschefft nicht uns, / sonder der zeit zumessen. / Und wollen uns hiemit in Ewer F(urstlichen) D(urchlauch)t gunst bevolhen haben, / wunschende derselbigen heill und alle glugkseligheit mit sampt Gottes gnade.

Dat(um) Elbing, am dritten Marcii im etc. XL jare. /

Joannes ep(iscopu)s Varmen(sis) s(cripsi)t adscribed, in the hand of Dantiscus⌈Joannes ep(iscopu)s Varmen(sis) s(cripsi)tJoannes ep(iscopu)s Varmen(sis) s(cripsi)t adscribed, in the hand of Dantiscus⌉

Tidemannus ep(iscop)us Culmen(sis) adscribed, in the hand of other⌈Tidemannus ep(iscop)us Culmen(sis)Tidemannus ep(iscop)us Culmen(sis) adscribed, in the hand of other⌉

[1 ] May 8