BCK, 1597, p. 508

Reverendissimo in Christo Patri et Domino, domino Ioanni Dei gratia episcopo Varmiensi, fratri et maiori observando

BCK, 1597, p. 505

Reverendissime in Christo Pater et Domine, domine frater et maior honorande.

Salutem et fraternum studium.

Nova, quae a domino capitaneo Grudniczensi hodie accepi, oblata nuntii opportunitate, Reverendissimae Dominationi Vestrae mitto. Iam altera vice me sollicitavit Gabriel rector scholae in Graudentz, ut omnes sibi sacros ordines conferrem, patronos habens consulatum illic suum, qui, quantum subolfacio, parochum suum constituere eum vellent. Quod cur mihi non probetur, divinare potest Dominatio Vestra Reverendissima superinscribed⌈ReverendissimaReverendissima superinscribed⌉, quae hominem, cuiusmodi sit, pernovit. Quapropter, ne morem gererem petenti, negavi me ordinare ipsum posse, non ostensis litteris dimissoriis a Reverendissima Dominatione Vestra sub cuius dioecesi est oriundus. Ita remissus ad Reverendissimam Dominationem Vestram fortasse ipsam adibit, quod volui praemonere eam cupiens, ne quando mihi obtrudatur homo ecclesiasticae administrationi parum idoneus futurus, quem cur cives illi asciscant, non est difficile coniicere.

Commendo me amori Reverendissimae Dominationis Vestrae, quam Deus sospitem et salvam servet.

Lubaviae, die XV Februarii 1539.

Eiusdem Reverendissimae Dominationis Vestrae studiosissimus Tidemannus episcopus Culmensis