» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #243

Bona Sforza to Ioannes DANTISCUS
Cracow, 1525-04-25
            received Toledo, [1525]-07-29

Manuscript sources:
1fair copy in Latin, in secretary's hand, BCz, 1601, p. 565-570

 

Text & apparatus & commentaryPlain textText & commentaryText & apparatus

 

BCz, 1601, p. 565

Bona Dei gratia regina Poloniae, magna dux Lythuaniae, Russiae Prussiaeque etc. domina

Magnifice Vir, sincere nobis dilecte.

Habentes dignam rationem servitiorum utiliorum S written over ...... illegible...... illegibleSS written over ...inceritatis Vestrae, virtute facultatum apostolicarum nominavimus illam ad primo proxime et immediate vacaturum canonicatum et praebendam etiam dignitatem ecclesiae Varmiensis et fecimus fieri cessionem in suum favorem magnifico Ioanni Andreae physico nostro.

Praeterea post nominatos nostros, videlicet primum Paulum Plothowski et secundum Carolum Antonium Bononiensem voluimus esse primum provisum Sinceritatem Vestram in ecclesia Varmiensi in praebenda et canonicatu etiam dignitate illius ecclesiae, etiam in mensibus ordinario concessis primo proxime et immediate vacaturis. Ad quod reverendus pater dominus Mauricius episcopus Varmiensis per nos summa diligentia postulatus, cum hic foret, dicens se ad maiora deligatum esse Sinceritatem Vestram, expresse consensit et suum capitulum ad hoc idem faciendum nobis inducere promisit. Cui quidem capitulo nos scribimus commendan(tes) or commendan(do)commendan(tes)commendan(tes) or commendan(do) personam Sinceritatis Vestrae et quantum nobis sit grata ac bene merita. Ad quae omnia confirmanda ita, prout volumus, scribimus litteras nostras reverendissimo domino cardinali Sanctorum Quattuor, ut haec reservatio de primo vacaturo in ecclesia Varmiensi per summum pontificem firmetur, ita ut suum debitum sortiatur effectum. BCz, 1601, p. 556 Et sit haec reservatio maior omni exceptione, hoc nos aeque grate, ut libenter fecimus in favorem Sinceritatis Vestrae, urgentibus nos ad hoc suis bene meritis et ea, quam in rebus nostris apud caesaream maiestatem facit, opera et diligentia.

Hanc nos bene experimur et illam nobis commendat et inculcat magnificus Ludovicus Aliphius secretarius et orator noster, qui quicquid Sinceritati Vestrae in rebus nostris scripserit, ita facere et exsequi volumus hidden by binding[mus]mus hidden by binding apud caesaream maiestatem. Nam ita est voluntas nostra et ipse novit, quibus opus sit in rebus nostris. Nos haec et maiora, quae possumus, ubique facere volumus eidem Sinceritati Vestrae, nostro utique illam consequente<s> praemio et patrocinio. Nec desperet se aliquando his, quibus subicitur, dummodo omnia ex sententia et pro voto ac ea fide et virtute, qua coepit, perfecerit, praefici posse.

Et bene valeat.

Dat(ae) or Dat(um)Dat(ae)Dat(ae) or Dat(um) Cracoviae, die XXV Aprilis 1525.

Ad mandatum sacrae reginalis maiestatis proprium