Letter #3871
[Ioannes DANTISCUS] to [Tiedemann GIESE]Heilsberg (Lidzbark Warmiński), 1539-07-31
English register:
Dantiscus is sending the messenger of the Gdańsk (Danzig) Town Council to Giese with a letter [from the Council addressed to Dantiscus and Giese], even though they tried to burden him with the package. He thinks the demands made by the Council are legitimate. He asks the addressee to satisfy them and to reply more extensively than he himself has.
He asks Giese to write to the King [Sigismund I Jagiellon] on the matter [of the Gdańsk Town Council] on their joint behalf. Dantiscus will sign and seal the letter, while the Council will cover the cost of its delivery to the court if Giese sends them a copy.
As for [Eberhard] Rogge who has just arrived from Giese, Dantiscus will send him back soon, after they discuss confidential matters in detail.
Manuscript sources:
Prints:
| ||||||
Text & apparatus & commentaryPlain textText & commentaryText & apparatus
Reverendissime in Christo Pater et Domine, frater e[t] [amice] [ca]rissime ac honorande.
Salut[em] [et] fraternam commendationem.
Scripsi XXIIII huius per nuntium illustrissimi domini ducis vicini [nostri], [quae] tum se offerebant.
Heri a genti<li>bus nostris adiunctas accepi. Quas a m[e ad Dominationem] Vestram Reverendissimam petebant mitti, verum nuntio, qui eas attulit, ut id s[ibi] persuasi, quo dominis suis a Dominatione Vestra Reverendissima referret responsum. Nesci[o] quo ... cives sic suis consulunt commoditatibus, ut vel veredarios nos suos esse velint. Rescripsi, quod hunc eorum baiulum ad Dominationem Vestram Reverendissimam miserim, ut ab eo rep[or]taret responsum. Quod ut copiosius, quam meum est, Dominatio Vestra Reverendissima non gravate scribat, plurimum oro.
Ea, quae in hac hostilitatis denuntiatione petunt, iusta sunt atque iis terris necessaria, verum ut eorum desideriis satisfiat, rogo Dominatio Vestra Reverendissima litteras in hoc negotio suo et meo nomine ad serenissimam maiestatem regiam conscribi faciat easque a se subscriptas sine apposito sigillo cum nuntio, quem ad aulam missura est, qui hinc rectius per Masoviam habebit iter, ad me mittat. Qui[bus] et ego subscribam sigilloque eas obsignabo. Satisfaciet pro suo signo adnotatio manus Dominationis Vestrae Reverendissimae, sin vero, mittat per quempiam, qui referat sigillum.
Haec, quae in iis, quemadmodum petunt, ad maiestatem regiam scribenda censuerat, arbitror Dominationem Vestram Reverendissimam gratum factura<m>. Si cum hoc nuntio copiam miserit significans litteras ipsas per suum nuntium ad maiestatem regiam se daturam, ipsi offerunt expensas. Mihi nihil horum, quae Dominatio Vestra Reverendissima scribet, displiceb[it].
Quam diutissime incolumem etc.
Datum Heilsberg, ultima Iulii MDXXXIX.
Postscript:
Hac hora venit ad me dominus Roggius. Cum quo de omnibus abunde colloquar et sub ea fiducia, quem illi Dominatio Vestra Reverendissima tribuit, nihil eum celabo, eumque paulopost ad Dominationem Vestram Reverendissimam remittam. Interim, ut is proficiscatur nuntius, commisi.