» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #4825

Ioannes DANTISCUS to Ermland (Warmia) Chapter
Heilsberg (Lidzbark Warmiński), 1541-04-21
            received 1541-04-23

Manuscript sources:
1fair copy in Latin, in secretary's hand, GStA PK, XX. HA Hist. StA Königsberg, HBA, C 1a, K. 497

 

Text & apparatus & commentaryPlain textText & commentaryText & apparatus

 

GStA PK, HBA, C 1a, K. 497, p. 3unnumbered

Venerabilibus Dominis, praelatis, canonicis et capitulo ecclesiae nostrae Varmiensis, fratribus sincere nobis dilectis

GStA PK, HBA, C 1a, K. 497, p. 1unnumbered

Ioannes Dei gratia episcopus Varmiensis

Venerabiles Domini, fratres sincere dilecti.

Ex litterarum exemplo ad me reverendissimi domini cardinalis Sanctorum Quattuor, quod venerabilis frater noster dominus administrator Allensteinensis nostro nomine venerabili fratri nostro domino custodi misit, Fraternitates Vestrae intellexerunt, quod a s(erenissima) or s(acra)s(erenissima)s(erenissima) or s(acra) maiestate regia domini nostri clementissimi, declarati ac proscripti haeretici sacramentarii Alexandri Sculteti domus non ad illius, quod fertur matrimonio sibi iunxisse, scortum, sed ad ipsummet Alexandrum pertineat. Cum itaque s(erenissima) or s(acra)s(erenissima)s(erenissima) or s(acra) maiestas regia contra declaratum haereticum proscriptionis decretum, quemadmodum summo pontifici scripsit, inviolatum esse et ab omnibus observari omnino iubeat, non est, quod Fraternitates Vestrae ratione illius domus, quam s(erenissima) or s(acra)s(erenissima)s(erenissima) or s(acra) maiestas regia nobili domino Nicolao Plotowski per patentes litteras donavit, se intromittant, aut pellioni statutum iudicium admittant. Cuius uxor cum matre, quae interdicti censuras hucusque cum contemptu sustinet, sacramentariae per dicta testium certo haberi compertae sunt et ipse pellio ad eam domum, quam proscriptus ille haereticus suam esse asserit, nihil iuris habeat.

Ea in re paterno animo et sub iurata nobis fide secreto Fraternitates Vestras commonefaciendas esse duximus, ne, si ulterius, ut coeptum est, in ea causa procedant, regium a se animum alienent et in eius indignationem incidant. Quod pro nostra in Fraternitates Vestras benevolentia procul averti cupimus.

Quae feliciter valeant.

Ex arce nostra Heilsberg, XXI Aprilis MDXLI.