List #2808
Tiedemann GIESE do Ioannes DANTISCUSLöbau (Lubawa), 1545-03-26
odebrano Heilsberg (Lidzbark Warmiński), 1545-03-27 Rękopiśmienne podstawy źródłowe:
|
Tekst + aparat krytyczny + komentarzZwykły tekstTekst + komentarzTekst + aparat krytyczny
Reverendissimo in Christo Patri et Domino, domino Ioanni Dei gratia episcopo Varmiensi, domino fratri et maiori plurimum observando
Reverendissime in Christo Pater et Domine, domine frater et maior observande. Salutem et studiosam mei commendationem.
Gratissima fuere, quae de lacu Plovesiano roganti mihi Reverendissima Dominatio Vestra respondit, item quae de Romanis rebus communicavit. Optandum est, ut de generali concilio tam longi nixus aliquando veniant ad partum. Caesarea maiestas Bruxellis decumbens dominum de Granvella dicitur ad conventum principum misisse. Ipsa eo non ventura magno totius Christianitatis malo. Serenissimus princeps noster senior et ipse fertur totus esse clinicus, ex pedum tantum affectione solita. Nostros Gedanenses arcessitos ad se excipiendum ob exactam in pedis cruciatu noctem audire non potuit. Tartari cum Valachis Podoliam premunt. Ante Paschalem festivitatem redibit spero e Cracovia nuntius meus. Is si quid afferet scitu dignum, erit id commune Reverendissimae Dominationi Vestrae. Cui me cupio vehementer esse commendatum, optans illi omnia prosperrima.
Dat(ae) or Dat(um)⌈Dat(ae)Dat(ae) or Dat(um)⌉ Lubaviae, die XXVI Martii, etc. XLV.
Eiusdem Reverendissimae Dominationis Vestrae studiosus et deditissimus Tidemannus episcopus Culmensis
Postscript:
Romana(?) omnia remitto