Unsern fruntlichnn. Nhamhafftiger, gunstiger freundt.

Negst hab wir ein klein puntel durch euch von Wien uberkomenn, sein nicht mher den / 2 briffe darin gewest von dem hern erweltennn erczbischoff zu Lundenn, kayserlicher majestet botschaffter, der uns dan schreibt, / das ouch kurcz zuvor andere brive von hern Cornelio Sceppero, der gleichnn kayserilcher majestet botschaffter, / der neulich von Constantinopel gekomenn, / an mich solten sein / ausgangenn, die mir nicht seinn worden. / Bitten derhalbnn, woltnn fleis habenn, ob solche brive noch indert vorhaltenn, / do mit sie mir zu henden kuemenn. / Und wolt ouch disse beygebundenen an gedochtnn hern von Lunden oder hern Iorgen von Loxan vorschaffen. / Beschulde wir alzeit gernn ummb euch. / Hiemit wunsche wir euch, / Gote dem almechtigen befolenn, / vil gutter zceit. /

Datum aus unsermm slosse Lobau, den XI Ianuarii 1534.