Denn nhamhaftigem hern borgermeister und radtman der koniglichen stadt Danczke, / mynenn gunstignn hernn.

Is unt.villigenn denst / unnd wesz ik goedes vormach. Ersame, nhamhaftige herennn. /

Vor etlikennn dagennn hebbe ik in mynerr szakennn myt Dirrig Falken / an Iwe Erbarkeit en koniglik mandath gsant, / up dat de dagentszame frwe Lukesz vannn Telghenn nhagelatene / myne medder ere solt, / dat myt mynerr szakennn nichts hefft / sey were an... de upsettunge der hundert marcen / tho vorkopennn / hebbe ik verstandennn / beth her nen antworth kannn erlangennn / unnd ik newen ehrr / wolde dith szo koniglicher maiestet geklaget hebbennn, / sunder als ik Iwer Erbarkeit landtman mherr geneget sy, / wo ok billich Iwr Erbarkeit by koniglikem have tho fordrennn, / dan klachte tho förennn, / als ik denne dith etlik mal bewiszet / hebbe vannn erstennn wolt by iw erfarennn / uth wath orszake myner medder solken schade thogedrevennn wǎt wannn mynennn wegen, / szo dach myne szake nach henget yn koniglicher maiestet erkentnissze. / Bidde hirummbe / enczwer wollet myne medderr van der hundertt marcen vorbuntnissze losz latennn, / dat sze ehrr solt ane widerenn schadennn vorkopennn machte / adde my myt dennn erstennn latennn witennn, / worummb koniglikennn [m]andat nicht genoch mach geschennn. / Hir inne, / szo sik kegennn my bewiszennn, / dat ik Iwer Erbarkeit fruntschaft unnd guttliche tho negunge mochte erkennennn, / das mede ny my iw unnd allenn iwennn szakennn vorplichter makennn. Ik bin ummers by iw erwasszennn unnd in der erstennn jagenth getagennn. / Latet dennn frembdennn, de my villichte by iw vorfolgennn, nicht szo grothe gewolt alssze beth her gehath hebbennn. Ik mach Iwer Erbarkeit ok nach wal szo notte wartennn / alsz de, / de grot by iw gehort sin. / Wat hie nwerr tydinge sin, / wart Martennn, iw vlitige diner, Iwer Erbarkeit klerliker seggennn. / Levet alsampt tho langennn tidennn feisth unnd gesunt. /

Datum tho der Wille dennn negstennn sundach nha sunte Martennn annno XV-c und XIIII.

Ioannes Flachsbin[der], koniglicher maiestet notarius.