BCK, 1597, p. 346

Reverendissimo in Christo Patri et Domino, domino Ioanni Dei gratia episcopo Varmiensi, domino, fratri et maiori honorando

BCK, 1597, p. 343

Reverendissime in Christo Pater et Domine, frater et maior plurimum mihi observande.

Salutem et studiosam commendationem.

Diu misissem Reverendissimae Dominatoni Vestrae exemplum inclusum regii mandati, quod a magnifico domino palatino Culmensi accepi, sed exspectavi responsum a magnifico domino palatino Marieburgensi, a quo hodie primum <miss> rediit servitor meus, impeditus hactenus ancipiti traiectu profluentis. Litteras eiusdem domini palatini praesentibus addidi, ut videat Reverendissima Dominatio Vestra eius de rebus nunc currentibus sententiam, sed lapsus est legens regium mandatum, quasi a domino Costka exspectanda esset in futuro conventu ratio collectae accisae, cum a deputandis collectoribus praestari debere ratiocinia expresse legatur. De quo forte admonendus esset ipse palatinus.

De accisa seponenda usque ad conventum quod ipse contulit, nescio, an probanda sit sententia. Certe non satis tutum mihi videtur consilium nec facile excusabile. Ego quid sentiam, antea scripsi, libenter tamen auditurus Reverendissimam Dominationem Vestram, quae etiam scribere dignetur voluntatem suam et consilium super altero illo negotio defensionis Reverendissimae Dominationis Vestrae apud reginalem maiestatem. In quo nihil a me intermittetur operae et studii, modo Reverendissima Dominatio Vestra indicet, quo id pacto commodius et pro decore ipsius instituatur. Quod cognoscere per praesentem cupio simulque me doceat, rogo, quid deliberaverat paper damaged⌈[t]t paper damaged⌉ de transportatione accisae, ut inde mea quoque consilia dirigere possim.

Cupio Reverendissimam Dominationem Vestram optime valere.

Lubaviae, die 6 Decembris 1538.

Eiusdem Reverendissimae Dominationis Vestrae studiosissimus Tidemannus episcopus Culmensis