List #4791
Tiedemann GIESE do Ioannes DANTISCUSLöbau (Lubawa), 1545-02-23
| odebrano Heilsberg (Lidzbark Warmiński), 1545-02-26 Rękopiśmienne podstawy źródłowe:
Pomocnicze podstawy źródłowe:
Publikacje:
| ||||||||
Tekst + aparat krytyczny + komentarzZwykły tekstTekst + komentarzTekst + aparat krytyczny
AAWO, AB, D. 2, f. 131vReverendissimo in Christo Patri et Domino, domino Ioanni Dei gratia episcopo Varmiensi, domino fratri et maiori plurimum observando
AAWO, AB, D. 2, f. 131rReverendissime in Christo Pater et Domine, domine frater et maior observande.
Salutem et studiorum meorum commendationem.
Post eas, quas ad magnificum dominum palatinum Pomeraniae misi, Reverendissimae Dominationis Vestrae litteras de negotio illo instituto aliud non accepi, quam quas ille rescripsit, his ... illegible⌈...... illegible⌉ adiunctas, nec quid aliud expectem, video erepta tempestivitate prosequendae rei.
Nuper inter chartas meas aliud quaerenti mihi forte in manus venit hoc, quod mitto, instrumentum. Propinquis Vestrae Reverendissimae Dominationis, si quando referet litis illius exstinctionem ostendi, utile futurum.
Est casus nunc, in quo me quoque levare molestia Reverendissima Dominatio Vestra opera sua poterit. Oeconomus meus Lubaviensis, Paulus Cupener, tamquam possessor canonicatus et praebendae domini olim Martini Czeme, citatus est Romam per Bartolomeum, filium iudicis terrestris Culmensis. Cuius causae statum in proximis nostris comitiis Marieburgensibus Reverendissima Dominatio Vestra ex me intelliget cupioque ipsius interpellatione litem etiam ipsam honestis mediis ibi dirimi, quod parvo negotio eventurum existimo.
Oro igitur, Reverendissima Dominatio Vestra velit non gravatim mediatoris munus obire ac litteris suis dominum de Clement iudicem adducere, ut datis ad filium litteris, de prosequenda lite ad proximum usque conventum nostrum supersedeat, habiturum paper damaged⌈[um]um paper damaged⌉ ibi ipsam Reverendissimam Dominationem Vestram transigendae litis auctorem, ne impendiis gravari quemquam sit opus. Erit hoc mihi gratissimum a Reverendissima Dominatione Vestra.
Cui me commendatissimum esse ipsamque feliciter incolumem esse percupio.
Dat(ae) or Dat(um)⌈Dat(ae)Dat(ae) or Dat(um)⌉ Lubaviae, die XXIII Februarii anno etc. XLV.
Reverendissimae Dominationis Vestrae studiosissimus et obsequens Tidemannus episcopus Culmensis