BCz, 244, p. 230

Eximio et Venerabili Domino Tidemanno Gise, custodi et canonico Varmiensi, Fratri et Amico carissimo ac honoran(do) or honoran(dissimo)⌈honoran(do)honoran(do) or honoran(dissimo)⌉

BCz, 244, p. 227

Eximie et Venerabilis Domine, Frater et Amice carissime et honoran(de) or honoran(dissime)⌈honoran(de)honoran(de) or honoran(dissime)⌉. Salutem et omnem felicitatem

Accepi pridie Dominationis Vestrae litteras, quibus, cum heri cubicularius regius nocte rediens de rebus nostris optatum mihi responsum attulit, in rescriptione satisfaciam paper damaged⌈[m]m paper damaged⌉ paucis, eo nimirum, quod Dominatio Vestra ex eisdem litteris, quas reportavi, quomodo habeant omnia, intelliget. Nihilque restat aliud, quam ut adventus oratoris maiestatis regiae generosi domini Nicolai Nibschicz, quem intra quadriduum hic affuturum arbitror, expectetur. Qui, cum huc appulerit, curabo, ut unacum hoc cubiculario ad statutum electioni diem se Varmiae statuat. Cum eo Dominatio Vestra quae ex re nostra erunt conferet tuto omnia. Quo quidem paper damaged⌈[uidem]uidem paper damaged⌉ id inter vos possit fieri commodius, velim, nisi molestum esset Dominationi Vestrae, ut in domo vestra diversaretur. Qua in re ut me de voluntate sua cum hoc meo nuntio certiorem reddat oro. Cubicularius iste mihi retulit, quibus modis duo illi nostri Aiaces a spe exclusi in crimen ambitus inciderint. Quemadmodum item et ex scheda in regiis ad me litteris Dominatio Vestra clarius cognoscet. Non est itaque, quod Dominationem Vestram in minimam etiam dubitationem trahere debeat: navigamus Deo gratia in portu etc.

De mandato ad Dominationem Vestram mittendo ratione – si erit necesse – electionis et a me dandi suffragii Dominatio Vestra perscribat et per hunc nuntium mittat exemplum. Accedo autem ad sententiam Dominationis Vestrae, quod opus non est, ut ego electioni intersim. Habito mandato pro me Dominatio Vestra faciet omnia, dignasque pro me in medium excusationis adferet causas, quibus absentia mea excusabitur etc.

De rebus nostris ad urbem ut inter nos conveniamus, ipsa causa postulat, proinde curet, quaeso, Dominatio Vestra, ut post electionem sub praetextu postulationis se huc ad me conferat, quo de omnibus habunde colloqui et determinare possimus.

Plura igitur in praesens non scribo. De domino Alexandro, quid iterum tractare cepit, mirari satis non possum. Rescripsi illi, quod de iis omnibus cum Dominatione Vestra conferre statuerim, alatque eum Dominatio vestra spe, quousque transacta fuerit electio. Interim vero, si cum domino Henrico aliquid Dominatio Vestra meo nomine efficere poterit, rem mihi gratam Dominatio Vestra faciet. Reliqua ex ipsis domini Alexandri ad me litteris accipiet. Cuperem summopere, ne iterum hanc moveret Camarinam, cum propter illum, tum etiam propter reginalem maiestatem, ne illa in aliquam inducatur vehementiam, qua, quod nollem, novas haberemus turbas. Sat sapienti etc.

Quae Leopoli aguntur et quanta ibi hominum sit cerebrositas, temeritas atque audacia malorum, horresco, quae legi, memorans, subvereorque, quod rebus infectis omnibus in periculosoque statu relictis discedetur written over nt⌈ntturtur written over nt⌉, quo hosti maior confidentiorque animus et Regno non parum incommodi accrescet etc.

BCz, 244, p. 228 Ceterum, quod Dominatio Vestra scripsit se mihi nescio quae debere, quod ea, quae paper damaged⌈[uae]uae paper damaged⌉ debeo, facio, necessarium non fuit. Si quid, quod gratum est, feci, nihil aliud quam mutuae mihi debet benevolentiae remunerationem Dominatio Vestra. Cui pro piscibus magnam gratiam habeo paper damaged⌈[o]o paper damaged⌉, eamque felicissime valere cupio.

Ex castro meo Lubaviensi, XIII paper damaged⌈[II]II paper damaged⌉ Septembris MDXXXVII

Ioannes episcopus Culmensis etc. scripsit