Reverendissimo in Christo Patri, domino, domino Ioanni Dei gratia episcopo Varmiensi, domino suo colendissimo

Reverendissime in Christo Pater et Domine, domine colendissime.

Commendata servitute mea.

Multa scribere debueram ad Dominationem Vestram Reverendissimam, sed cogor ab omnibus desistere et aliud tempus exspectare, sum enim impeditus impedimento, quod malo illam coniectari, quam ex meis intelligere. Cognoscet Dominatio Vestra Reverendissima ex litteris regiis, quid hic agatur, nam ex me nunc aliud non potest. Interim, dum lux ad nos revertitur, me gratia sua Dominatio Vestra Reverendissima complecti dignetur, sum enim illius fidelis et cupidus capellanus.

Cuius gratiae me rursus commendo et opto illam recte valere et diu felicem vivere vitam.

Datae Cracoviae, XII Novembris 15XXXVIII.

Eiusdem Dominationis Vestrae Reverendissimae capellanus Samuel Macyeiovski