BCz, 3465, p. 337

Bona Dei gratia regina Poloniae, suprema dux Lituaniae, Russiae, Prussiae, Masoviae etc. domina

Reverendissime in Christo Pater sincere nobis dilecte.

Litteras Paternitatis Vestrae, quotienscumque ad nos perferuntur, libenter legimus ex illisque novitates externarum nationum, quas nobis perscribit, libenter et grato animo intelligimus. Hortamur denique illam coeptam operam non intermittat, ad nos frequentius scribat ac novarum rerum, si quae emerserint digneque ad notitiam nostram fuerint, nos participes efficiat. Rem nobis gratam Paternitas Vestra factura. Quam bene valere cupimus.

Datae in Zathor, die XVI Iunii anno Domini MDXLVII-mo.

Ex mandato proprio sacrae reginalis maiestatis