Dem Hochwurdigen Fursten und Heren, herrn Johann bischofen zu Culmense und administrator des bistumbs Pamezan, meinen genedigen herrn

Crocka

Hochwirdiger Furst, gnediger her. /

Ewern Furstlich Gnaden sein mein underthanig willig dienst zuvoran beraidt. /

Ewer Furstlich Gnaden schreiben mir yetzo gethann das datum stet den sechsundzwainzigsten tag Iulii hab ich empfangen und darin vernommen, / wie ich dan solchs von meinem diener Jorgen Hegel auch verstanden, / das Ewer Furstlich Gnaden mich mit ainen verschin wildnis oel verort haben. / Darumb ich Ewr Furstlich Gnaden underthenigen danck sag, / mit erbiettung, wo ich das umb Ewr Furstlich Gnaden verdienen khann. / Sollen Ewr Furstlich Gnaden mich gantz willig finden. / Thue mich hiemit Ewrn Furstlich Gnaden bevelchen. /

Datum Weissenhorn, am funfzehenden tag des monats Septembris anno etc. XXXV-ten.

Ewr Furstlich Gnaden unterdeniger Antoni Fugger subscripsit