GStA, PK, HBA, C 1, No 517, f. 3 unnumbered

Dem durchlauchten, hochgebornen fursten und herrn, herrn Albrechten, / von Gots gnaden marggraff zu Brandenburg, / in Prewssen, / zu Stetin, Pomern, / der Cassuben und Wenden hertzog, / burggraff zu Normberg und furst zu Rugen, unserm(m) hochgunstigen, lyben hern(n) und freunt

GStA, PK, HBA, C 1, No 517, f. 1 unnumbered

Durchlauchter, hochgeborner furst, / hochgunstiger, lyber her und freundt. /

Wir wollen E(wer) F(urstlichen) D(urchlauch)t guther meynung nicht bergenn, / das wir Christoff und Donathen Gröbel, / E(wer) F(urstlichen) D(urchlauch)t lehen vorwanthen, / welche leÿder zum unfhal eins thodtslages kom(m)en seindt, / in unser(r) kirchen herschafft vergleythett / der gestaldt, / wo dis E(wer) F(urstliche) D(urchlauch)t entgegenn / und uns dis zuvorstendigen geruchen wurden, / woldt wir ihnen solch gleit / wider abkundigen lassen. / Dyweyl wir aber bericht worden, / das sy zu dysem betrubnis genöthiget und fast vor ursacht solthen kom(m)en sein / und Donatuss am thodtslag nicht schuldt hadt, / ist unser fleÿssige bethe, E(wer) F(urstliche) D(urchlauch)t woldt sy auch under unserm furstlichen gleit / zuvorhoren und vortrag der sachen genediglich kom(m)en lassen / und ihnen von wegen dÿser unser vorschrifft ein genediger furst und her sein. / Solchs gen E(wer) F(urstliche) D(urchlauch)t dem almochtigen entpfolhen, / vleÿssig zuvordynen und in gleichem fhall zu beschuldenn(n), seÿ wir GStA, PK, HBA, C 1, No 517, f. 2 unnumbered altzeytt bereÿtwillig.

Datum(m) beÿ unser kirchen(n) zur Frawenburg, den II S written over D⌈DSS written over D⌉eptember MDXXXVIII-t(en)

Ioannes, von Gots gnaden(n) byschoff zu Ermelandt