» Korpus Tekstów i Korespondencji Jana Dantyszka
Copyright © Pracownia Edytorstwa Źródeł i Humanistyki Cyfrowej AL UW

Wszelkie prawa zastrzeżone. Zabrania się kopiowania, redystrybucji, publikowania, rozpowszechniania, udostępniania czy wykorzystywania w inny sposób całości lub części danych zawartych na stronie Pracowni bez pisemnej zgody właściciela praw.

List #5596

Nicolaus HUMAN do Ioannes DANTISCUS
Guttstadt (Dobre Miasto), 1539-06-14
            odebrano [1539]-06-14

Rękopiśmienne podstawy źródłowe:
1czystopis język: łacina, autograf, AAWO, AB, D. 68, k. 76

Pomocnicze podstawy źródłowe:
1regest język: niemiecki, XX w., B. PAU-PAN, 8249 (TK 11), k. 93

 

Tekst + aparat krytyczny + komentarzZwykły tekstTekst + komentarzTekst + aparat krytyczny

 

AAWO, AB, D.68, f. 76v

Reverendissimo in Christo Patri et Domino, domino Ioanni Dei gratia episcopo Warmiensi, domino meo ac patri clementissimo gratiosoque

AAWO, AB, D.68, f. 76r

Reverendissime in Christo Pater et Domine, domine clementissime et gratiose.

Post debitam servitiorum ac reverentiae exhibitionem.

Reverendissime Domine.

Fuit hic superinscribedhichic superinscribed ad feriam secundam proxime lapsam dominus Fabianus contionator Warmiensis, vocatus a nobis propter organi probationem etc. Is, profectus hinc ad dominum administratorem Allensteynensem ac negotiis suis expeditis inde reversus, attulit mihi desiderium et consilium eiusdem: tale ut suis impensis hunc adhuc baiulum ad Dominationem Vestram Reverendissimam mitterem sciscitaturus de tempore ac die conventus Prutenici proximi. Qui si forsitan non esset omnino hac tempestate celebrandus, vel saltem tantisper dum interea venerabili capitulo morem gererem, prorogandus, certe ex Reverendissima Dominatione Vestra (cui fidem meam in eundem obstrinxi) rescirem.

Equidem nisi cum Reverendissima Dominatione Vestra essem concessurus, gratam rem me facturum video venerabili capitulo, si illius votis responderem. Quod tamen mihi non est integrum, nisi a Dominatione Vestra Reverendissima permisso. Quia vero per dominum Valentinum camerarium scribi mandare dignata est, velle me intra octo dies de omnibus, quae tunc cupiebam, certiorem facere, et iam dies octavus praeteriit, nihil autem mihi responsum, in dubio est animus nec quod faciam, satis scio.

Hinc est, quod Dominationem Vestram Reverendissimam iterum subditissime oro, ne gravetur me hac molestia liberare ac responso suo cum praesenti baiulo propterea misso dignari written over eeii written over e, ut sic sciam, quid mihi potissimum sit faciundum, hoc est, iturusne sim cras perendie mane [c]um domino admi[n]istratore on the marginc hidden by binding[c]c hidden by bindingum domino admin hidden by binding[n]n hidden by bindingistratore[c]um domino admi[n]istratore on the margin versus Warmiam, an hic diutius voluntatem ac beneplacitum Reverendissimae Dominationis Vestrae exspectaturus.

Porro si Elbingi conventus iste (ut fertur) esset habendus, facile et satis tempori possem e Warmia post confectum capituli negotium Elbingum venire, quo sic utrobique fidem et obsequium meum testatum facerem. Fiat tamen in omnibus voluntas Reverendissimae Dominationis Vestrae. Cuius gratiae me humillime commendo.

Ex Gutstat, XIIII Iunii MDXXXIX.

Eiusdem Reverendissimae Dominationis Vestrae perpetuus servitor Nicolaus Human