BCz, 1624, p. 214

Dem hochwirdigsten in Goth fursten / unde herren, / herren Johanni von Gotes genaden / des loblichen stichts Ermelandt bisschove / etc., unszerm genedigen herrenn.

BCz, 1624, p. 213

Hochwirdigster in Goth furst, genediger herre. Unser boreidtwillige und gantz unvordrossene dinste seint Ewer H(ochwirdigste) G(nade)n in allewege bevoran entpholen. /

Genediger herre.

Aus nicht geringschetzigen ursachen und bedencken, zo uns und unse gantze gemeyne dieser stadt eynwonere belanget. / Seint wir vorursacht den ersamen hern Johan Brandes, / unsers rats geliebtenn frundt, zceiger dieses an Ewer H(ochwirdigste) G(nad)e abzufertigen, wie och jegenwertiglich abfertigen, dieselbige Ewer H(ochwirdigste) G(nad)e dinstlichen fleises bittende wolle gedocht(en) h(err) Johan in seinen werblichen gescheften und unserm gemeynem obligent / genedigk gehoer volkommen glawben und stat / als uns selbst geben. / Och ihnen mit genedigem / vorhoftem und gentzlichem zcuvorsichtig(en) rathe und troste expediret / an uns mit dem irsten widderu(m)b gelangen lossenn. /

Das seint wir umb Ew(er) H(ochwirdigste) G(nad)e unsers vermogens / in bereitwilliger wilfehrunge allewege zcu vordinen geflissen. / Mit hulffe des almechtig(en) der Ewer H(ochwirdigste) G(nad)e lange gesunt und seliglich enthalt(en) welle. /

Geben Dantzigk, am XI Septembris / anno etc. XLIIII.

Ewer H(ochwirdigste) G(nad)e dinstwillige burgermeister und rathmanen der stadt Dantzigk