APG 300, 53, 268, p. 178

Dem edlenn, ernvhestenn herrn Hansen vonn Werdenn, burgermeister der ko(nigliche)n stadt Dantzigk und höuptman zu Newenburgk, unserm gunstigen freund.

APG 300, 53, 268, p. 175

Unnsern freuntlichen grues mit aller wolfart wunschung zuvorann. / Edler, ernvhester her(r), besonder, gunstiger freundt.

Unns ist nechten spat, / wie wir von Schmolein, / Got hab lob, / in gesuntheit hieher gelanget, / E(wer) H(erlichkei)t freuntlich schreibenn, / dat(um) Heiligebeil den XVII dits, / bei diesem bothenn gewordenn, / doraus die anzeigung gerne vornhomenn, / das f(urstliche) d(urchlauch)t den geladenen hern burgermeister ihre gnedige vorschrifft, / die underwegens diese zeit sein soll, / an die junge ko(niglich)e m(aieste)t nicht habe vorsagt, / darzu wir auch, / unnser zusage noch, / nicht ungeneigt paper damaged⌈[t]t paper damaged⌉, so wir zeitlich ersucht, weren gewesenn / und noch sein. / Derwegen wan wir erinnert, / des auszogs unnd thags den herrn burgermeistern gelegt, / daneben auch wie zu schreibenn were, / das wir uns mit anderen hern einerleÿ superinscribed⌈einerleÿeinerleÿ superinscribed⌉ mheinung wusten zuvorgleichenn, / damit dieser sachen fueglich abgeholfenn / unnd die sequela, / wie E(wer) H(erlichkei)t meldet, / vordann vorhutt wu written over e⌈euu written over e⌉rde, / wolle wir uns unbeschwert und willig lossenn findenn. / Solchs hab wir / alter freuntlicher weis E(wer) H(erlichkei)t uf ihr schreibenn, / die wir gotlichenn gnaden befelhenn, / nicht wollen zu angenemen antwurt vorhaltenn.

Dat(um) aus unnserm schlos Heilsberg, den XXIIII Octobris MDXLIII.

Joannes, vonn Gots gnadenn bischoff zcw Ermelanndt