AAWO, AB, D.97, f. 219v

Dem Erwirdigenn inn Got, unserm besondernn liebenn Freundt unnd Nachbarnn, hernn Johansen bishoffenn zw Ermlandt etc.

AAWO, AB, D.97, f. 219r

Unnsere freuntliche dinst zuvornn.

Erwirdiger inn Got, besonder lieber Freundt unnd Nachbar. /

Wir habenn dem ernnvhestenn, achtbarnn unnd hochgelerth(ten) unnserm canzler, / rathe unnd liebenn getrewenn, / Hansenn vonn Kreytz(en), auferlegt etzliche gehaime gewerbe vonn unserntwegenn / vertraulicher wolmeynung ann E(wer) L(ieb) gelangenn zwlassenn. / Bithenn derwegenn freuntlichenn E(wer) L(ieb) iner desselbenn seÿnes anbringens hörenn, und ime disfals / gleich unser(r) aigenenn personn volkomenn glaubenn zustellen, sich auch uff sein anbring(en) unser(r) tragendenn freuntlichenn zuvorsicht nach ertzaigen wol das seint wir umb E(wer) L(ieb) mit aller willigenn freuntschaft zuvordinen urputigk.

Dat(um) inn eyl, Zachetzova, denn XXI Augusti anno etc. im XLVIII. /

Vonn Gottes gnadenn Albrecht, der elder(r) marggraff zw Brandenburgk, inn Preussenn, zw Stettin, Pommernn, der Cassubenn unnd Wendenn hertzogk, burggraff zw Nurmbergk und furst zw Rug(en) manu propria subscripsit