» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #4894

Ioannes DANTISCUS to Albrecht I von Hohenzollern-Ansbach
Braunsberg (Braniewo), 1541-05-20


Manuscript sources:
1fair copy in German, in secretary's hand, GStA PK, XX. HA Hist. StA Königsberg, HBA, C 1, No. 756

Auxiliary sources:
1register in German, GStA PK, XX. HA Hist. StA Königsberg, Ostpr. Fol., 14 320, f. 44v
2register in Polish, 20th-century, B. PAU-PAN, 8249 (TK 11), f. 322

Prints:
1HARTMANN 1525-1550 No. 756, p. 401 (German register)

 

Text & apparatus & commentaryPlain textText & commentaryText & apparatus

 

GStA PK, HBA, C1 No 756, 4 unnumbered

Dem durchlauchten, hochgebornen fursten und herren, hern Albrechten, von Gots gnaden marggraff zu Brandenburg, / in Preussen, / zu Stetin, Pomern, der Cassuben und Wenden hertzog, / burggraff zu Normberg und furst zu Rugen, / unserm hochgunstigen, lieben hern und freunde

GStA PK, HBA, C1 No 756 1 unnumbered

Durchlauchter, hochgeborner furst, / hochgunstiger, lieber her und freundt. / Unsere freuntliche und vleis willige dinste zuvoran. /

Wie der molbaw uff der Passerien der edlen, ernfesten h(ern) Friederich von der Olsnitz, E(wer) F(urstlichen) D(urchlauch)t rath und marschalh, / sich bis uff unser kirchen und unsers w(irdigen) capittels grundt und bodem erstreckt, / ist / ane zweiffel E(wer) F(urstlichen) D(urchlauch)t durch ire rethe, / die zu solches baues besichtigung vorordent, / allenthalben wol berichtet, / doraus E(wer) F(urstliche) D(urchlauch)t clerlich vorstanden, / wie unleidlich solchs baues erstreckung / uns, / unserm w(irdigen) capittel / und unsern underthan, / den alten freiheiten / und dis lands privilegien zuwidder / ist vorgenommen. /

Derhalben E(wer) F(urstliche) D(urchlauch)t mit bitt und anfurdern unsers w(irdigen) capittels / zuschreiben, / hab wir uns bisher enthalten. / Das in negster tagfart dis koniglichen orts zu Marienburg / der edel, ernfeste h(er) Achacius Zeme, dantzker castellan / etc. uns hat angeredt, / ab in dieser sachen ein fueglich mittel gefunden mocht werden, / und under uns vorlassen, / das er E(wer) F(urstlichen) D(urchlauch)t gemeltem rath und marschalh solte schreiben / unsere gunstige zuneigung / in dem, das wir und unser capittel mochten dulden, / zwuschen dieser zeitt / und negstkunftigem sanct Michels tag[1] / den baw, uff das unser volzogen, / mit gutem fug von im selbst / zuschleissen und abzuthun, / domit nicht notig, hierinne E(wer) F(urstliche) D(urchlauch)t clagweis / mit anderm bedencken / zuersuchen. / Wir hetten uns auch vorsehen, / das solchen bekuemen vorGStA PK, HBA, C1 No 756, 2 unnumberedschlag obgedachter E(wer) F(urstlichen) D(urchlauch)t marschalh solt im besten haben angenommen. / Dieweil wir aber hieher gelangt, / werden wir von unserm w(irdigen) capittell bericht, / das E(wer) F(urstlichen) D(urchlauch)t marschalh / solchen baw zuschleissen nicht gesinnet, / sonder teglich in weiter thut setzen, / dergestalt, / das von E(wer) F(urstlichen) D(urchlauch)t uber / bis uff unsers / mit truckenem fues uber die gantze Passerie wirt gegangen, / hieraus wir / und unser w(irdiges) capittel vorursacht, solchen frevell und heftig vornehmen semptlich E(wer) F(urstlichen) D(urchlauch)t anzuzeigen, / die wir mit allem vleis freuntlich und dinstlich bitten, / wolte vorgemelten irem marschalh statlich bevelhen, / das er alles das jenige, das uber die helffte den Passerien / uff unserm grundt und bodem / mit pfellstossen und anderm baw ist zugericht, / abthu und breche, / domit nicht von noten, / solchs den unsern zugestatten, / doraus villeicht ( welchs wir nicht gerne wolten ) andere unlust / und unnachbarlicher zanck mocht erwachssen, / wie wir uns dan / und unser w(irdiges) capittel zu E(wer) F(urstlichen) D(urchlauch)t freuntlichen und geneigtem gemut und willen gegen uns / in dinstlicher andacht gentzlich wollen vorsehen, / mit erbietung, worinne wir mit vil freuntlichen / und unser w(irdiges) capittel mit willigen vleissigen dinsten E(wer) F(urstlichen) D(urchlauch)t ummer nutzlich GStA PK, HBA, C1 No 756, 3 unnumbered mugen sein, / uns gen E(wer) F(urstliche) D(urchlauch)t / unserm vormogen nach / zuvorhalten, / der wir von Got dem almechtigen ein lang seliges leben / und in allem glugliche wolfart und zunehmen wunschen und bitten, / doneben auch bei diesem unsers w(irdigen) capittels amptman ein freuntlich gnedige antwort.

Dat(um) Braunsberg, den XX Maÿ M D XLI.

[1 ] September 29