GStA PK, HBA, C1, No. 615, f. 2unnumbered

Dem durchleuchten, hochgebornen fursten und herrenn, herrn Albrecht(en), von Gotts genadenn margraff zw Brandenburg, in Preussenn, zw Stettin, Pomernn, der Cassuben und Wenden hertzog, burgraff zw Nurmberg und furst zw Rugenn, unserm hochgunstigen, lieben herren unnd freundt /

GStA PK, HBA, C1, No. 615, f. 1unnumbered

Durchleuchter, hochgeborner furst, hochgunstiger, lieber herr unnd freundt. / Unnsern freuntlichenn, willigenn diennst zuvoran. /

Albrecht Joseph, burger und nechstmals unnser wirt zw Posenn, / gegenwertigs brieffs zeyger, hatt uns myt vieler underthenigkheit angetzeigt / unnd zuvorstehenn gebenn, / wie das enemm written over rwyn(n)⌈rwyn(n)nem(m)nemm written over rwyn(n)⌉, der itzt E(uer) F(urstlichen) D(urchlauch)t zw Konigsberg underthan ist, / ein mergkliche sum(m)a gelds in seiner anligendenn not, / damit er(r) seine(m) abnemendenn nahrung zw hilff queme, / vorgestrackt / unnd gelihen hett, / konde aber bisher khein betzallung erlangenn. / Nach dem er in erfarnus khomenn, das er hie im landt sashafftig, hatt er sich nit on grosse beschwerung hie her, seinen schuldman zw suchennn, begebenn mussenn. Dieweyl er dan hie unbekant, / hatt er zun uns die beste zuvorsicht und freundtlich gebethebnn, / wir wollen ine(n) an E(uer) F(urstliche) D(urchlauch)t vorschreybenn, / damit diser arme man, der alle sein gut in fewer vorlorn, / zw letzte möcht betzalungen erlangenn. / Bitten derhalb, E(uer) F(urstliche) D(urchlauch)t woldenn disenn unser vorschrifft geniessenn lassen, / damit er befunde, das im E(uer) F(urstliche) D(urchlauch)t hulfflich und unnser com(m)endation fruchtte written over r⌈ree written over r⌉glich gewest sey, / das wir umb E(uer) F(urstliche) D(urchlauch)t in ey(n) vil grossern zw beschuldenn unnd freuntlich zuvordienen wollen schuldig sein. /

Dat(um) aus unserm sloss Heilsberg, den 12t(en) tag Decembris im thausent funffhundert neun und dreysigstenn jare./

Ioannes vonn Gotts gnad(en) bischoff zw Ermelandt /