Ioannes Dantiscus (Johannes von Höfen, Ioannes de Curiis, Jan Dantyszek, Johannes Flachsbinder) (*1485 – †1548), eminent diplomat and humanist in the service of the Jagiellons, neo-Latin poet; 1530-1537 Bishop of Kulm; 1537-1548 Bishop of Ermland⌊IoannesIoannes Dantiscus (Johannes von Höfen, Ioannes de Curiis, Jan Dantyszek, Johannes Flachsbinder) (*1485 – †1548), eminent diplomat and humanist in the service of the Jagiellons, neo-Latin poet; 1530-1537 Bishop of Kulm; 1537-1548 Bishop of Ermland⌋ etc.

Unsernn gnedigen grus und alles guttnn zuvorann. Ersame, liebe getrewenn.

Wir haben ewr weemutig schreiben gelesen, / darinnen ir anczeigt, / wie ir vilmo... vor uns beclagt / in forcht komet, das ir nicht etwan in unser ungenad mit solchem beklagen mochtet fallenn. / Hieuff wir euch gnediger weis lossen wissenn, / das wir so geringlich nicht gelouben all... das jenige, das vor uns gebrocht wirt. / Wir mussen aber ein idren herenn, / darinnen wir uns unsermm alten gebrauch noch der gestalt haltenn, / das wir dem kleger das linke ohr / und dem beklagten alweg das rechte uffen haltenn / und kein urteil / ane beyderteil verhorung / fellenn. / Das wir aber das jenige, so vor uns geklagt wirt, / euch th... schreibenn, / geschieht derhalbenn, das wir von euch, wie die sachen in sich selbst sein / bericht furdrenn. / So sich aber was sverers zutruge, / wolte wir etl... ewrs mittels zu uns heischenn, / das bisher in klag... sachen nicht geschenn, / auch nicht gern euch zu besverheit thun woltenn. / De[r] wegen wir euch in unserm schriftlichem, offenemm negsten befhel ufferlegt habenn, / das ir in zufallenden sachen / und die von uns an euch geschribenn werdenn, / mit dem edlen gestrengenn unserm landwogt und heuptmann bey euch / beredenn soldet / und uns wie ummb alles bericht thun. / So ir aber schreibt, / wie ir ewre rechte aller billigheit noch in gutter hut h...tet, / vorsehe wir uns zu euch, das solchs gesche. / Es nympt uns aber wunder, wie das mit unsermm barbir vorsehe ist, / der sich, / wie ewr anschrifft laut, / seczen zu recht mit seinemm ankleger die brey haltenn het erbotenn unnd gebetenn, / und het im nicht mugen geburenn, / sonder habt an einer peinlichenn sachen eine bergliche widerrecht lossen ... und im weiternn tag geseczt, / den er, so es im von notnn mit freyen beruff, an uns haltnn sol, / und die b... in der pen talionis, / die seinenn ankleger im haben loss ge... rechtlich vornemenn, / darin ir euch, / wie wir uns zu euch vorsehen, / zu halten wol werdet wissenn. / Das hab wir aus gnediger zuneigung euch, / die wir mit allenn gnadenn gernn ervolgenn, zu antwurt nicht wollen vorhaltenn. Wollen ouch, wie ir bit, / ewr gnediger landfurst und her sein. /

Datum aus unsermm slosse Heilsberg (Lidzbark Warmiński, Heilsberga), town in Ermland (Warmia), the main seat of the bishops of Ermland⌊HeilsbergHeilsberg (Lidzbark Warmiński, Heilsberga), town in Ermland (Warmia), the main seat of the bishops of Ermland⌋, den XVII Septembris MD XXXIX.