List #4733
Tiedemann GIESE do Ioannes DANTISCUSFrauenburg (Frombork), 1537-09-25
| odebrano [1537]-09-27 Rękopiśmienne podstawy źródłowe:
Pomocnicze podstawy źródłowe:
| ||||||
Tekst + aparat krytyczny + komentarzZwykły tekstTekst + komentarzTekst + aparat krytyczny
Reverendissimo in Christo Patri et Domino, domino Ioanni Dei gratia episcopo Culmensi et postulato Varmiensi etc., domino meo colendissimo et plurimum observando
Reverendissime in Christo Pater et Domine mihi colendissime. Servitiorum meorum commendationem.
Ad litteras Reverendissimae Dominationis Vestrae, quas heri per puerum meum accepi, aliud nunc non scribo, nisi quod cras servitorem meum cum decreto postulationis et ceteris, quae Reverendissima Dominatio Vestra poscit, mittam. Addam et litteras in urbem ad procuratorem nostrum, ad quem absque cunctatione litteras decreti per bancum mitti opere pretium erit. Scribam fusius de omnibus cras, volente Deo.
Bene valeat Reverendissima Dominatio Vestra
Varmiae, die 25 Septembris 1537.
Eidem Reverendissimae Dominationi Vestrae addictissimus Tidemannus Gise custos Warmiensis