Ioannes Dei gratia etc.

Venerabiles Domini, fratres in Christo carissimi. Salutem et omnem felicitatem.

Remittimus vobis litteras in causa fugitivi ad vos rustici nobis scriptas, ratione quarum vos hortamur, ut id, quod iustum est, faciatis. Nolumus tamen vos latere, quod hic cum terrarum et civitatum dominis et consiliariis ea in re contulimus, qui sic nos edocuerunt, quod superioribus annis post bellum novissimum illustres olim duces Masoviae ad conventum tum Graudentinum nuntios hac in causa miserant, qui cum dominis ibidem concluserunt, ut si quis sex annis rusticus profugus non repetitus quiete in Prussia sederit, vicissim et profugus a nobis in Masovia, ne deinceps repetatur. Quod sic in notitiam vestram deducendum existimavimus vosque in hoc novo anno feliciter et quam diutissime valere optamus.

Datae ex castro nostro Lubaviensi, secunda Ianuarii anno Domini MDXXXIIII.