Durchlauc[hter] ....

......lichn stunden Ewer furstliche Durchlaucht schre[iben] den IIII / u... ...s / den V das datum von dissem br... , den XIX tag dis monts zu Konigsberg ...... ausgangen, erhalten. / Die ersten II brive hoth uns der ...dig, hochgelert / herr Theodericus von Rhedenn, / unser kir[chen] mitbruder, / nebenn Ewer furstlichen Durchlaucht werbung und freuntlich pittenn, / do vor wir mit hochem vleis Ewer furstliche Durchlaucht dancken, / zugesend[et]. Wie aber Ewer furstliche Durchlaucht im ersten schreibenn meldnn, / d[as] die mit wichtigen gescheften beladenn / disse zce...... ...ants aus iren rethenn uff Ortelsburg zuvorordnenn, / muge[n] ...perenn und im negsten schreibenn anczeigt, / so es je... not erfurdert, / das es Ewer furstliche Durchlaucht nicht ungefellig ein wochen vor dem XIIII tage Septembris / des orts zu Sichligen ire rethe wolde abfeil w... und das mitle zceit von beiden teilenn ...gerewmet und gebrucke ..., domit solche grenczen fueglicher weis mochten ge...genn werden, / bey dem beschiede, / das von keinem t... die alten grencz bewme und zceichen vorrukt, / ouch s... nicht mher gerechtigheit, / dan ime zustendig, / anmass.... Woruff wir freuntlicher, wolmeinender weis Ewer furstlichen [Durchlaucht] dissen bericht thun. / Es wer uns vil lieber ... mit Ewer furstlichen Durchlaucht und wir ouch in dissem fhal nicht be...het wurdenn, / dieweil lantgrenczen nicht ane sin ... beider teile mugen deortert werden, / das sich Ewer furstliche Durchlaucht hi... man zu Ortelsburg , wie sich andere pfleger und houptleut von des Orde[ns] czeiten besan herr, / het genugen lossenn, / der ursac[h] halbenn, / das von disser grencznn wegen so li... zceit her uber menschen gedenck / kein czank ge[wesen] und unser beuer des unsernn ouch nicht we... d..., wie von alters / und bey anderen Ewer furstlichen Durchlaucht houptleu[te] gebrauchenn. / Nun es aber Ewer furstliche Durchlaucht die grencz / zum newenn / dismol gefallenn, / thu wir uns des nich[t]s w...drenn. / Wollenn ouch hirinne Ewer furstliche Durchlaucht vornemen vora... und den XXII Augusti, / das ist den montag vor s[anct] Bartolomei, / so solche zceit Ewer furstlichen Durchlaucht gelegenn, / die uns... zu disser grencz czyhung / mit dem, das d... zugehorig, schicken, / rewmenn und brucken lossenn und bescheyd stat gebenn, / das von grencz bewmenn und es... nichts sol vorruckt werden, / wie dan ouch solchs k[ei]nem teil wol anstunde, / ouch sich die unsere des al... enthalden, / nichts anders gebraucht und gebau..., / dan d... jenige, was altherkomende gerechtigheit gibt / und n... bringt. / Wo es nu anders nicht mag gesein, losse Ewer furstliche Durchlaucht wissenn, / wie die zu bestimpter zceit gew..., do mit wir uns fueglicher darnoch wusten zu ric[hten]. Dan Ewer furstliche Durchlaucht in allem, das uns czimet, / und in unser... mugenheit ist / wilferig und gefellig zu sein, / thu w[ir] uns mit vleis erbittenn. /

Datum Heilsberg, den XXIII Iu... M D XLI.