BCz, 1595, p. 320

Reverendissimo Domino, domino Iohanni Dantisco Dei gratia episcopo Culmensi, serenissimi Sigismundi regis Poloniae etc. secretario et oratori dignissimo, domino meo gratiosissimo

BCz, 1595, p. 317

Reverendissime Domine, domine mihi gratiosissime.

Post meorum servitiorum recommendationem.

Mitto Reverendissimae Dominationi Vestrae per praesentium ostensorem litteram sacrae reginalis maiestatis Poloniae, dominae nostrae, et litteram magnifici domini castellanni Cracoviensis, et alias duas litteras: unam a domino LLeuiczki, aliam a domino Nicolao Nipsczicz, aulico reginalis maiestatis, qui nunc erat orator Pragae apud divum regem Bohemmiae etc., prout Reverendissima Dominatio Vestra latius ex litteris istis intelliget. Etiam eidem nuntio commisi, quod nulli alteri has litteras dare debet, nisi Reverendissimae Dominationi Vestrae ad manus proprias, alias mihi eas versus Andorpiam reportare debet. Et ideo, si Reverendissimae Dominationi Vestrae istae litterae pervenerunt, rogo, dignetur mihi scribere, ut ego securus essem et scirem, quod hae litterae Reverendissimae Dominationis Vestrae ad manus pervenerunt et datae sunt. Etiam, Reverendissime Domine, portavi vel attuli mecum ex Polonia res pellifi ms. e(!) ⌈ii ms. e(!) ⌉ciarias, videlicet aliquas quadragenas sabellinos valde excellentissimos et ultra 40 guadragenae marderinos, lampardos, hermelinos et de scismis valde optimos. Si Reverendissima Dominatio Vestra cito esset apud caesaream maiestatem Bruselae et esset tum consilio Reverendissimae Dominationis Vestrae, ut cum istis rebus ad Bruselam venirem, mox veniam. Ac tamen sine consilio et voluntate Reverendissimae Dominationis Vestrae nihil facere volo. BCz, 1595, p. 318Ego in quibuscumque Reverendissimae Dominationi Vestrae servire possum, omnia ad mandata et placita facere volo, tamquam domino meo gratiosissimo. Cuius gratiae ac favoribus iterum atque iterum me commendo.

Datum Andorpiae, 20 die mensis Iullii anno 1531.

Eiusdem Reverendissimae Dominationis Vestrae servitor Stanislaus Czipszer manu propria scripsit