Macz Platnn

Unsernn etc.

Wir habnn negst ewr schreibnn mit den buchlen und versen uns zugeschickt / entfangen, / und daran ein wolgefallen gehabt, / nemlich das wir zuvor von keinem aus Pomernn so wol geseczte poetrey gesehenn habenn. / Wan dem rechten altgehaltetenn glouben so wurd nochgangen, / wie rumlichen kunsten, / wer dis irtumb so viler seczen nicht in der cristenheit etc. Wie euch unser bruder Bernt geschribnn, / wolt uns solchs ausrichtnn und zu forderst den reinischnn mit den erstnn, / koufft uns ouch ein gancz stuck gutte svarcze kytayke, / der wir dis mol bedorffenn etc. Unser bruder Bernt zceigt uns an, das er euch noch laut ewer rechenschafft das gelt habe zu handen gestelt. / Wirt was dorann felen, / lots uns wissen. / Wir wollen nicht, das ir unserthalbnn schadenn, / sonder vil mher, / wer wir das wustenn zuschaffenn, / nucz und fromenn solt habnn. / Hiemit Gote mit den ewrenn befolenn. / Grust ewre libe hausfrau und das gancz geslecht von unsernn wegen. /

Datum aus unsermm sloss Heilsberg, den III Iunii MD XXXIX.