List #4168
Stephanus TOBIE do Ioannes DANTISCUSLöbau (Lubawa), 1539-06-20
Regest polski:
Stephanus Tobie dziękuje za otrzymany list. Z wdzięcznościa przyjmuje podarunek w postaci upragnionego "Ideoty".
Zawiadamia o śmierci księcia miśnieńskiego Jerzego [of Saxony] oraz jego syna Fryderyka, który zmarł wkrótce po ślubie z [Elżbietą] von Mansfeld. Dziedziczy po nich Henryk, brat Jerzego. Ta zmiana władzy niepokoi zakonników
Zawiadamia, że Dantyszek wkrótce otrzyma odpowiedź prowincjała (minister) franciszkanów w sprawie swojej propozycji odnośnie do conventuum duorum restituenda reformatione [przywrócenia w dwóch klasztorach reguły reformatów?]. Najpóźniej w dniu Św. Bartłomieja [24 sierpnia] oczekuje przybycia ojca komisarza, który tę odpowiedź wyłuszczy. Tobie spodziewa się, że będzie osobiście zajmował się tą sprawą.
| odebrano [1539]-06-22 Rękopiśmienne podstawy źródłowe:
Pomocnicze podstawy źródłowe:
| ||||||
Tekst + aparat krytyczny + komentarzZwykły tekstTekst + komentarzTekst + aparat krytyczny
AAWO, AB, D.68, f. 281vReverendissimo in Christo Patri superinscribed⌈PatriPatri superinscribed⌉ ac Domino, domino Ioanni, Apostolicae Sedis gratia praesuli ecclesiae Warmiensis quam merito, patrono suo gratiosissimo plurimumque observando
AAWO, AB, D.68, f. 281rIesum et omne, quod animam perenniter felicitat.
Reverendissime, carissime Pater et Domine.
Datas ex Vestra Observandissima Paternitate superioribus diebus litteras secundarias cum vidi libenter, tum iucundissime accepi. Quibus nisi responderem, ingratitudinis equidem redderer vitio apprime obnoxius. Probat nempe Amplissima Dominatio Vestra eis meum candorem in gratiarum actione tanta, quem si multum esse intelligit Paternitas Vestra Reverendissima, fateatur apud me eius maiorem esse affectum, ut semper magis ac magis vestri ergo factum velim, quam possim.
Ideotam insuper in maius studium augendi candoris optima fide litteris donatum gratanter suscepi. Cuius rei gratia habeo Reverendissimae Paternitatis Vestrae favori gratias quam omnium maximas. Aptum siquidem munus, quo alitur mutuum amici pectoris officium, nam ipsum multo voto petitum, Paternitas Vestra - munuficentissimam perinde ac g written over ...⌈... illegible⌈...... illegible⌉gg written over ...⌉ratissimam rem - obtulit, quatenus intelligam esse illo ipso Ideota repositum, quicquid mihi tam anxie cupienti gratius offerre Dominatio Vestra Reverendissima valuerit. Erit igitur penes me in perpetuum dilectionis monumentum et amoris inter nos mutui vinculum indissolubile; semper (quod preca(ver)im) Deum pro Paternitate Vestra pro viribus obnixe humiliterque oraturus.
Reor praeterea haud latere Amplitudinem Vestram Reverendissimam illustrissimum ac vere catholicum Missniae principem ducem Georgium ad 15 Kalendas Maias naturae concessisse. Cuius unicus filius, dux Fredericus, vix finitis cum augustissima sponsa sua, filia comitis Ernesti a Mansfelt, nuptiis ante 6 hebdomadas tumulatus fuerat. Iam tota domus principis tanti desiit, cedens in hereditatem illustrissimo principi, duci Henrico, suo fratri germano. Modo haerent plerique omnes religiosuli inter saxum et sacrum, ignorantes, quid rerum tanta interversio cunctarum gratiae illis meditetur.
Iam nu(nc) potest reverendus pater minister noster sancto respondere Reverendissimae Paternitatis Vestrae proposito, quod coram exoptavit per venerabilem patrem custodem, nempe de conventuum duorum restituenda reformatione. In dies reverendissimi patris commissarii praestolor adventum, vel ad extremum circa Divi Bartholomaei festum, qui reverendi patris ministri mentem luce clarius enodabit, cum quo et ego forsan (Deo favente) super hoc negotio tractandi gratia sum coram futurus.
Salutare Christus cum Reverendissima Dominatione Vestra, cunctis opere ferens commodis, iugiter sit ac laboret. Cui Paternitatem Vestram Reverendissimam una mecum reddo commendatissimum.
Ex conventu nostro Lubaviensi, 20 Iunii anno a Natali Christiano 1539.
Eiusdem Reverendissimae Dominationis Vestrae ex animo sacellanus et clientulus, frater Stephanus Tobie guardianus, min(im)or(um) mi(nim)us
Postscript:
Verbosior sum, quam par erat, oro veniam bonique consulere, urgebat enim caritas.