Venerabilibus Dominis Praelatis, Canonicis et Capitulo ecclesiae nostrae Varmiensis, fratribus sincere nobis dilectis.

Ioannes, Dei gratia episcopus Varmiensis

Venerabiles Domini, fratres sincere dilecti.

Accepimus Fraternitates Vestras diplomata vidisse apostolica, quibus venerabili domino Nicolao Coppernick, canonico Varmiensi, fratri sincere nobis dilecto, admissus est in coadiutorem honestus Ioannes Leusse, quem et nos accedentibus votis Fraternitatum Vestrarum praesente hoc nostro suffragio, quantum de iure licet, admittimus et a Fraternitatibus Vestris admitti postulamus. Quae feliciter valeant.

Datae Cracoviae, XVI Maii MDXLIII.