Venerabilibus Dominis Praelatis Canonicis et Capitulo ecclesiae nostrae Varmiensis, fratribus sincere nobis dilectis

Ioannes dei gratia episcopus Varmiensis

Venerabiles Domini, fratres sincere dilecti.

Ea, quae ex contributione hoc transacto anno collecta sunt, a Fraternitatibus Vestris missa oeconomus noster percepit et suo tempore cum iis, quae ex ditione nostra provenerunt, eo, quo reponi consuetum est, deportabit. Fraternitates Vestras feliciter valere optamus.

Ex arce nostra Heilsberg, V Septembris MDXLIII.