Reverendissime in Christo Pater et Domine, domine gratiose ac clementissime.

Post humillimam servitiorum meorum exhibitionem.

Ex litteris proximis Reverendissimae Paternitatis Vestrae intellexi eandem Reverendissimam Paternitatem Vestram precibus venerabilis capituli annuere ac instituisse in episcopatus sui ingressu, quem Deus Omnipotens secundet, per Allenstein iter facere ac ibidem pernoctare. Quod non sine magno animi desiderio futurum exspecto ac eandem Reverendissimam Paternitatem Vestram quam humillime rogo, ut me de die adventus sui certiorem reddere dignetur. Ego interim, quae necessaria erunt, pro posse procurabo.

Me gratiae Reverendissimae Paternitatis Vestrae quam humillime commendo. Quam Deus Omnipotens nobis diu felicem ac incolumem conservare dignetur.

Datae Allenstein, die 5-ta Decembris, anno 1537.

Eiusdem Reverendissimae Paternitatis Vestrae deditissimus servitor Achatius de Trencka