BCK, 1597, p. 622

Reverendissimo in Christo Patri et Domino, domino Ioanni Dei gratia episcopo Varmiensi, fratri et maiori plurimum honorando

BCK, 1597, p. 619

Reverendissime in Christo Pater et Domine, frater et maior plurimum observande.

Salutem et fraternum studium.

Domini Gedanenses iunctis sibi aliis civitatibus, certiores facti de mea scriptione ad s(acram) or s(erenissimam)⌈s(acram)s(acram) or s(erenissimam)⌉ regiam maiestatem in negotio accisae, scribunt et ipsi, sed ita, ut currum videantur applicare ante boves, quod ex adiuncto exemplo Reverendissima Dominatio Vestra videbit. Et nescio qua prudentia quasi omnium nomine hoc adhuc urgent, a quo ceteros cernunt etiam litteris datis discedere, certi quod impingent, hoc vero inde lucrifaciemus, ut cognitum fiat aulae, quantiphariam simus inter nos serti. Meae litterae nescio quomodo accipientur illorum litteris supervenientibus, praestabat certe neutros scripsisse, offendit puto illos, quod non est obsecutum consilio ipsorum. Mitto litteras, quas huc pertulit nuntius domini Ioanni a Werden.

Fuit hic apud me venerabilis dominus Alexander Sculteti dolorem animi sui in sinum meum effundens ac gratiam sibi Reverendissimae Dominationis Vestrae per me redintegrari petens, causam ipsam Reverendissima Dominatio Vestra potest conicere. Cui tametsi non sum admodum affectus, tamen movet me ecclesiae istius adversitas, quam in hac clericorum vacillantia et paucitate per sacrum hoc tempus huiusmodi pertur stain⌈[pertur]pertur stain⌉bationibus concuti et censurarum ecclesiasticarum acrimonia affligi certe erit indecens stain⌈[ens]ens stain⌉. Et quoniam non omnia expendunt omnes, rei turpitudo, quam Reverendissima Dominatio Vestra insectatur, a personis in ecclesiam ipsam dimanabit.

Rogo igitur, Reverendissima Dominatio Vestra ecclesiae illi suae hoc praestare commodi velit, ut processum institutum post Paschale usque tempus suspendat ac excommunicatos illos, qui non facile vitari a populo possunt, absolvi mandata cum reincidentia ad beneplacitum Reverendissimae Dominationis Vestrae, si non paruerint.

Non possum autem pro nostra mutua fide et secreto Reverendissimam Dominationem Vestram non monere, quod mihi mandata Reverendissimae Dominationis Vestrae legenti videbatur notarium, qui monitoria scripsit, improvidum fuisse omittendo sententiam vel poenam excommunicationis. Quae nisi expresse fuit posita, non potuit ad illius declarationem procedi nec sufficit, meo quidem iudicio, generalis illa comminatio censurarum. Erit igitur vel de integro instituendus processus, vel alio remedio prospiciendum, ne habeant homines, quod cavillentur. Haec bona fide a me scripta Reverendissima Dominatio Vestra non aegre feret, spero.

Dominus Alexander, quo se separet a commercio cocae suae, omnino statuit optare curiam quondam domini Felicis et parere mandatis Reverendissimae Dominationis Vestrae. De his et aliis latius inter nos, cum dabitur convenire.

Nuntius meus hinc abiit Dominica Oculi. Quem existimo hodie venire Cracoviam. Quem reversum mox ad Reverendissimam Dominationem Vestram mittam cum his, quae attulerit.

Cossorum causa ut ita [...]datur on the margin⌈[...] hidden by binding⌈[...][...] hidden by binding⌉datur[...]datur on the margin⌉, quemadmodum Reverendissima Dominatio Vestra consulit, admodum placet.

Cupio Reverendissimam Dominationem Vestram in bona valetudine diu esse felicem.

Lubaviae, Dominica Laetare 1539.

Eiusdem Reverendissimae Dominationis Vestrae deditissimus Tidemannus episcopus Culmensis