Reverendo in Christo Patri, domino Ioanni Dantisco episcopo Varmiensi, sincere nobis dilecto

Bona Dei gratia regina Poloniae, magna dux Lithuaniae, Russiae, Prussiae, Masoviae etc. domina

Reverende in Christo Pater, sincere nobis dilecte.

Redditae sunt nobis litterae Vestrae Paternitatis, ex quibus cognovimus ea, quae ad nos de Alexandro Sculteto Vestra Paternitas perscripsit. Non possumus probare ea, quae idem canonicus Alexander facit. Regia maiestas librum eiusdem Alexandri ad se missum ad sanctissimum dominum transmitti curabit. Alias vero litteras, quae in scriniolo erant, maiestas sua ad Vestram Paternitatem remittit. Reliqua ex litteris maiestatis suae Vestra Paternitas intelliget, quae nos scribere supervacaneum putavimus.

Bene et feliciter valeat Vestra Paternitas.

Datae Vilnae, die VII-a Martii anno Domini M-o D-o XLI-mo.

Ex commissione propria sacrae reginalis maiestatis