Fratri Bernhardo

Unsernn bruderlichen etc.

Wo du deiner geschefte halbenn noch ein zeitlang alda wirst vorharren mussen, / seindt wir des vorzugs wol zufriden, / das du die aufs fleisigste ausrichtest, / und dich alsdan herruber vorfugest. Vor dismol wirstu vor uns alda keufen uber das, was wir dir zuvor bevolen, sechs elen swartze[n] sammet, / czwentzig elenn swartzes uter fins tuchs / und eine gutte kuershe, und das alles / sunder seumen / mit dem ersten uns zufertigenn. Was d[u] hiezu von gelde bodurffen wirst, / das magstu von der fraw Schefe[ke] / ader imand anders entlhenen, / sol ane vorzug von unserm scheffer bozalet werdenn. Gotliche[n] genaden bovolen.

Datum aus unserm schlosse Vormdith, XXVI Novembris 1547.