Domino administratori Allensteinensi Achatio etc.

Venerabilis Domine etc.

Quod Fraternitas Vestra litteras domini Theodorici de Rheden nobis communicaverit, illi agimus gratias et eas his adiunctas Fraternitati Vestrae remittimus. Conveniunt illae fere in omnibus cum iis, quas ad nos dominus Theodoricus scripsit.

Valetudinem nostram, de qua admodum sollicita est Fraternitas Vestra, Domino Deo commisimus et ab illo, qui numquam in se sperantes deserit, indies salutare auxilium exspectamus.

Fraternitatem Vestram bene valere cupimus.

Datae ex arce nostra Heilsberg, XXIIII Octobris MDXLVIII.